​‘बिग बॉस11’ची स्पर्धक सपना चौधरीला मिळाला बॉलिवूड ब्रेक; पाहा टीजर!!

ल�

��कप्रीय व्हायचे तर ‘बिग बॉस’सारखे दुसरे चांगले व्यासपीठ नाही, हे पुन्हा एकदा सिद्ध झाले आहे. होय, ‘बिग बॉस’ने अनेकांच्या करिअरला गती दिली. ‘बिग बॉस10’नंतर मनु पंजाबी, मनवीर गुर्जर, निभिता कौल या सगळ्यांचे आयुष्यचं जणू बदलून गेले. आता पुढचा क्रमांक आहे तो हरियाणवी डान्सर सपना चौधरी हिचा. सध्या सपना ‘बिग बॉस11’च्या घरात आहे. पण ‘बिग बॉस’च्या घरात जाण्यापूर्वीच   सपना चौधरी हिला बॉलिवूडची लॉटरी लागली आहे.
होय, लवकरच सपना एका बॉलिवूड आयटम साँगवर थिरकताना दिसणार आहे. ‘जर्नी आॅफ भांगओवर’ या चित्रपटात सपना ‘लव्ह बाईट’ या गाण्यावर थिरकताना दिसणार आहे. या गाण्याचा टीजरही रिलीज झाला आहे. तिचा हा डान्स पाहिल्यानंतर सपना इतकी लोकप्रीय का आहे, हे कळते. टी-सीरिजच्या बॅनरखाली हे गाणे रिलीज करण्यात आलेय. सपनाच्या गाण्याचा हा टीजर तुम्ही एकदा बघायलाच हवा. शिवाय तो बघितल्यानंतर कसा वाटला, हेही आम्हाला कळवायला हवे.



खूप लहान वयात सपनाने स्टेजला आपलेसे केले. वयाच्या नवव्या वर्षांपासून ती डान्स व गाण्यांचे परफॉर्मन्स करतेय. मुळची रोहतक येथे राहणारी सपना यु-ट्यूबवर प्रचंड लोकप्रीय आहे. तिने गायलेले ‘है सॉलिड बॉडी’ हे गाणे तुफान गाजले होते.  सपना १२ वर्षांची असताना तिच्या वडिलांचे निधन झाले. घरची परिस्थिती बेताची असल्याने एवढ्या लहान वयात तिला घरची जबाबदारी उचलावी लागली. त्यामुळेच ती गायन आणि नृत्याकडे वळली. या तिच्या डान्समुळे सपनाने तिच्या घरातल्यांना सगळ्या सुखसोयी दिल्या. तिच्या बहिणीचे लग्न करून दिले. आज तर तिची एक झलक पाहाण्यासाठी लोक प्रचंड गर्दी करतात. अनेक वेळा तर तिच्या कार्यक्रमाला लोकांची गर्दी नियंत्रित करण्यासाठी पोलिसांना लाठीमार करावा लागतो. कोणताही स्टेज शो म्हटला की, एक संपूर्ण टीम आपल्याला पाहायला मिळते. पण सपनाच्या कार्यक्रमात ती एकटीच अनेक तास लोकांचे मनोरंजन करते आणि विशेष म्हणजे ती कायम पंजाबी ड्रेसमध्येच परफॉर्म करते. 

ALSO READ: Bigg Boss 11 : घराबाहेर पडताच ज्योती कुमारीने केला खळबळजनक खुलासा, ‘या’ स्पर्धकाला म्हटले, ‘धुर्त अन् गलिच्छ’!