‘बायोग्राफीज’ जीवनपट अन् काँट्राव्हर्सिज

ब�

��लिवूडमध्ये काम करणाºया कलावंताचा संघर्ष, त्यांचे चित्रपट, त्यांनी मिळविलेले यश जर त्यांच्याच शब्दात वाचकांपर्यंत पोहोचविण्याचे काम बायोग्राफीच्या (आत्मचरित्र) माध्यमातून होत असते. अनेक स्टार्सचा संघर्ष व त्यांच्याबद्दलची माहिती अशा पुस्तकातून मिळते यामुळे बायोग्राफीची चर्चा केली जाते. अनेकदा बायोग्राफ ीच्या माध्यमातून अनेक वाद चव्हाट्यावर येतात म्हणूनही त्याला प्रसिद्धी मिळते. आतापर्यंत अनेक  बॉलिवूड कलावंताच्या जीवनावर आधारित बायोग्राफी बेस्टसेलर ठरल्या आहेत. येणाºया काळातही लवकरच बॉलिवूड कलावंताच्या बायोग्राफीज वाचकांपर्यंंत पोहचणार आहेत. 



करण जोहर : दिग्दर्शक करण जोहर हा बॉलिवूडमधील दिग्गजांपैकी एक मानला जातो. त्याने तयार केलेले चित्रपट बॉक्स आॅफिसवर हिट ठरले आहेत. करण हा सातत्याने बॉलिवूडच्या चर्चेत असेलला एकमेव स्टार दिग्दर्शक आहे. त्याच्या जीवनावर आधारित ‘करण जोहर : अ‍ॅन अनसुटेबल ब्वॉय’ हे आत्मचरित्र जानेवारी महिन्यात प्रकाशित केले जाणार आहे. करण जोहर याच्यासोबत हे पुस्तक पूनम सक्सेना यांनी लिहले आहे. या पुस्तकावरून सध्या चांगलीच चर्चा सुरू आहे. 



ऋषी कपूर : बॉलिवूडचा चॉकलेट ब्वॉय अशी इमेज तयार करणारे ऋषी कपूर याचे आत्मचरित्र यावर्षी १५ जानेवारीला प्रकाशित होणार आहे. ऋषी कपूर यांच्या बायोग्राफीचे नाव ‘खुल्लम खुल्ला’ आहे. ऋषी कपूर व मीना अय्यर यांनी हे पुस्तक लिहले आहे. ऋषी कपूर यांनी आपल्या बायोग्राफीबद्दलची माहिती ट्विटरहून दिली आहे. ते लिहितात, माझ्या आॅटोबायोग्राफीचे नाव आहे ‘ऋषी कपूर अनसेन्सर्ड : खुल्लम खुल्ला’ १५ जानेवारीला रिलीज होत आहे. माझ्या मनाच्या अगदी जवळ असणारी. माझे जीवन आणि काळ जो मी जगलो आहे. 



करिना कपूर : बॉलिवूडमधील मोस्ट ग्लॅमरस अभिनेत्री म्हणून ओळखली जाणारी करिना कपूर हिचे २०१३ साली ‘करिना कपूर : द स्टाईल डायरी आॅफ अ बॉलिवूड दिवा’ हे पुस्तक प्रकाशित झाले आहे. करिनाने याचवेळी ‘माझे दुसरे पुस्तक बायोग्रॉफी असेल’ असे सांगितले होते. या नव्या पुस्तकाचे नाव असेल ‘करिना कपूर : द ब्रॅण्ड बेबो’. यात तिच्या बॉलिवूड करिअरपासून ते आई होण्यापर्यंतचा प्रवास यात असेल असे सांगण्यात येत आहे. विशेष म्हणजे करिनाला बॉलिवूडमध्ये ‘प्रेग्नेंसी ट्रेन्ड’ आणण्याचे श्रेय दिले जाते. तिच्या प्रेग्नेंसीच्या बातम्या मागील वर्षात सर्वाधिक चर्चेचा विषय होता. 



नवाजुद्दीन सिद्दीकी : पत्रकार रितुपर्णा चटर्जी या बॉलिवूड अभिनेता नवाजुद्दीन सिद्दीकी याच्या जीवनावर पुस्तक लिहित आहेत. विशेष म्हणजे या पुस्तकात त्याच्या जन्मापासून ते बॉलिवूडमधील त्याच्या प्रवासावर प्रकाश टाकण्यात येणार आहे. काही दिवसांपूर्वी नवाजुद्दीन सिद्दीकी याने स्वत: या पुस्तकाची माहिती दिली होती. हे पुस्तक जानेवारी २०१७ मध्ये प्रकाशित करण्यात येणार असल्याचे त्याने यावेळी सांगितले होते. नवाजुद्दीन सिद्दीकीवर आधारित पुस्तकासाठी अनुराग कश्यप व स्वत: नवाजुुद्दीन हे रितुपर्णाला माहिती देत असल्याचे सांगण्यात येते. वॉचमेन ते बॉलिवूड स्टार असा त्याचा प्रवास या पुस्तकातून चाहत्यांना वाचायला मिळणार आहे. 



रेखा : काही दिवसांपूर्वी अभिनेत्री रेखा हिच्या जीवनावर आधारित पुस्तक प्रकाशित करण्यात आले होते. मात्र सध्या या पुस्तकाची चर्चा सुरू  झाली आहे. यासीर उस्मान यांनी लिहलेले ‘रेखा : अनटोल्ड स्टोरी’ हे पुस्तकात ‘रेखा आपल्या भांगात सिंदूर का लावते’ या विषयाला धरून प्रश्न उपस्थित केले जात आहेत. रेखाचे नाव अमिताभ बच्चन यांच्याशी जोडण्यात आले होते. या पार्श्वभूमीवर हा प्रश्न केला जात आहे. दिल्लीच्या मुकेश अग्रवाल नामक व्यावसायिकाशी रेखाचे लग्न झाले होते. मात्र त्याने काही दिवसातच आत्महत्या केली होती. रेखाची बायोग्राफी आजही चांगलाच चर्चेचा विषय ठरली आहे. 

बॉलीवूडमधील काही प्रसिद्ध बायोग्राफीज् :
नसीरुद्दीन शहा - अँड देन वन डे : अ मेमॉर
दिलीप कुमार - द सब्स्टन्स अँड द शॅडो
ममता कुलकर्णी - अ‍ॅन आॅटोबायोग्राफी आॅफ अ योगिनी
प्रेम चोप्रा - प्रेम नाम है मेरा, प्रेम चोप्रा
आयुषमान खुराणा - क्रॅकिंग द कोड : माय जर्नी इन बॉलिवूड
देव आनंद - रोमॅन्सिंग विथ लाईफ
जावेद अख्तर - क्विव्हर
सत्यजित रे - चाईल्डहूड डेज...अ मेमॉर