‘बोल्ड’ सीन्समुळे मोडलं रणदीप हुड्डाचं लग्न; चर्चा तर हीच होती!!

रणदीप आजही अविवाहित आहे. पण सुश्मिता सेन, नीतू चंद्रा, अदिती राव हैदरी, चित्रांगदा सिंग अशा अनेक अभिनेत्रींशी त्याचे नाव जोडले गेले. 

ठळक मुद्देकाही रिपोर्टनुसार, रणदीपच्या स्मोकिंगच्या व्यसनामुळे वैतागून ती त्याच्यापासून दूर गेली.

 बॉलिवूडमध्ये आपली वेगळी ओळख निर्माण करणारा अभिनेता रणदीप हुड्डाचा ( Randeep Hooda ) आज वाढदिवस. लाल रंग,  सरबजीत, हाइवे  सारख्या सिनेमातील त्याच्या अफलातून अभिनयावर चाहते फिदा झालेत.  तो जी भूमिका साकारतो त्यात रमून जातो.  २००१ मध्ये ‘मान्सून वेडिंग’ या चित्रपटाद्वारे रणदीपने आपल्या अ‍ॅक्टिंग करिअरची सुरूवात केली होती. पण यानंतर सलग चार वर्षे रणदीपला कुणीही काम देईना. यानंतर २००५ मध्ये रामगोपाल वर्मा यांनी त्याला आपल्या ‘डी’ चित्रपटासाठी साइन केले आणि यानंतर रणदीपने कधीच मागे वळून पाहिले नाही. रणदीप आजही अविवाहित आहे. पण सुश्मिता सेन, नीतू चंद्रा, अदिती राव हैदरी, चित्रांगदा सिंग अशा अनेक अभिनेत्रींशी त्याचे नाव जोडले गेले. 

सुश्मिता सेनसोबतचे रणदीपचे लव्ह अफेअर चांगलेच गाजले होते.  ‘कर्मा और होली’ नावाच्या एका आंतरराष्ट्रीय चित्रपटात रणदीप व सुश्मिता या दोघांनी एकत्र काम केले होते. याचदरम्यान ते एकमेकांच्या जवळ आलेत.
रणदीप तेव्हा बॉलिवूडमध्ये स्थान मिळवण्यासाठी संघर्ष करत होता. तर सुश्मिता बी टाऊनची प्रस्थापित अभिनेत्री होती. पण ते एकमेकांच्या जवळ आलेत. त्यानंतर हे दोघे अनेकदा एकत्र दिसले. रणदीप हा सुश्मिताच्या आयुष्यात आलेला तिसरा बॉयफ्रेन्ड होता. पण इतर अफेअरप्रमाणे रणदीपबरोबरचे तिचे अफेअरही लवकरच संपले.

सुश्मिता सेननंतर रणदीप अभिनेत्री नीतू चंद्रासोबत सीरिअस रिलेशनशिपमध्ये होता, असे म्हणतात. त्याकाळात दोघेही सर्रास एकत्र फिरताना दिसतं. हे रिलेशनशिप लग्नापर्यंत पोहोचले होते, असेही म्हटले जाते. चर्चा खरी मानाल तर रणदीप त्या काळात अनेक चित्रपटांत बोल्ड सीन्स देत होता.  याच बोल्ड सीन्समुळे त्याचे नीतूसोबतचे नाते संपल्याचे म्हटले जाते. 
मर्डर3, साहेब बीवी और गँगस्टर अशा अनेक चित्रपटांत रणदीपने बोल्ड सीन दिलेत. नीतूला हे मान्य नव्हते. रणदीपने ऑनस्क्रीन बोल्ड सीन देऊ नयेत, असे तिचे म्हणणे होते. नीतूने यासंदर्भात रणदीपशी अनेकदा चर्चा केली. पण रणदीप मानला नाही. त्याने बोल्ड सीन देणे सुरुच ठेवले. नीतूने ‘साहेब बीवी और गँगस्टर’ पाहिला तर त्यात रणदीप पुन्हा बोल्ड सीन देताना तिला दिसला.  नीतू यामुळे प्रचंड खवळली. असे म्हणतात की, याचमुळे तिने रणदीपसोबत सर्व संबंध तोडण्याचा निर्णय घेतला. काही रिपोर्टनुसार, रणदीपच्या स्मोकिंगच्या व्यसनामुळे वैतागून ती त्याच्यापासून दूर गेली.