बॉलिवूड तुझ्या विरोधात आहे का? कार्तिक आर्यन पहिल्यांदाच बोलला, वाचा काय म्हणाला?

Kartik Aaryan And Karan Johar Fallout: ‘दोस्ताना 2’ या चित्रपटावरून कार्तिक व करण यांचं बिनसलं होतं. इतकं की, करणने कार्तिकला बाहेरचा रस्ता दाखवला होता. आता कार्तिक या संपूर्ण वादावर बोलला आहे.

Kartik Aaryan And Karan Johar Fallout:  कार्तिक आर्यन (Kartik Aaryan) हा बॉलिवूडचा गुणी अभिनेता. सध्या कार्तिक त्याच्या ‘भूल भुलैया 2’ या चित्रपटामुळे चर्चेत आहे. दुसरीकडे करण जोहर (Karan Johar) त्याच्या ‘कॉफी विद करण’ या त्याच्या शोच्या नव्या सीझनमुळे चर्चेत आला आहे. आता करणच्या ‘कॉफी विद करण’ आणि कार्तिकच्या ‘भूल भुलैया 2’चा काय संबंध असा प्रश्न तुम्हाला पडेल. तर काहीही नाही. पण करण व कार्तिकचा संबंध नक्कीच आहे. आम्ही बोलतोय ते या दोघांच्या जुन्या वादाबद्दल. ‘दोस्ताना 2’ या चित्रपटावरून कार्तिक व करण यांचं बिनसलं होतं. इतकं की, करणने कार्तिकला बाहेरचा रस्ता दाखवला होता. आता कार्तिक या संपूर्ण वादावर बोलला आहे. बॉलिवूड तुझ्या विरोधात आहे का? या प्रश्नालाही त्यानं उत्तर दिलं आहे.

‘दोस्ताना 2’ या चित्रपटाची घोषणा 2019 साली झाली होती. यानंतर 2021 मध्ये करण व कार्तिक यांच्या बिनसल्याची बातमी समोर आली होती. पाठापोठ करणने ‘दोस्ताना 2’मधून कार्तिकला डच्चू दिला होता. कार्तिकचं अनप्रोफेशनल वागणं करणला खटकल्यामुळे तो नाराज झाल्याचं कळलं होतं.
आता या मुद्यावर कार्तिकनं बोलला आहे. इंडियन एक्स्प्रेसला दिलेल्या मुलाखतीत कार्तिकला याबद्दल विचारण्यात आलं. 

तू आऊटसाईडर आहेस म्हणून तुला त्रास होतोय का?
इंडस्ट्रीच्या लोकांसोबत असलेल्या मतभेदांमुळे तुझा कामावर परिणाम होतो आहे का? आऊटसाइडर असल्यामुळे हे घडतंय का? असं विचारलं असता तो म्हणाला, ‘मला यामुळे काहीही फरक पडत नाही. मी फक्त माझ्या कामावर फोकस करतो. माझे अनेक सिनेमे येत आहेत, फक्त एवढंच मी सांगू इच्छितो’.

 तुझ्याविरोधात एक लॉबी काम करतेय का?
बॉलिवूडमध्ये   तुझ्याविरोधात एक लॉबी काम करतेय, असं वाटतं का? असा प्रश्न कार्तिकला केला गेला. यावर या सगळ्या अफवा असल्याचं तो म्हणाला. ‘कधी कधी लोक राईचा पर्वत करतात. यापेक्षा जास्त काहीही नाही. कुणाकडेही इतका वेळ नाही. प्रत्येकाला फक्त काम करायचं आहे आणि चांगलं काम करायचं आहे. याशिवाय बाकी सगळ्या अफवा आहेत,’असं त्यानं सांगितलं.