झारखंडहून मुंबईला आलेल्या 'जबरा फॅन'ची ९५ दिवसानंतर इच्छा झाली पूर्ण; किंग खानला भेटून आनंदाला उधाण

बॉलिवूड अभिनेता शाहरुख खानचे (Shahrukh Khan) जगभर चाहते आहेत.

Shahrukh Khan : बॉलिवूड अभिनेता शाहरुख खानचे (Shahrukh Khan) जगभर चाहते आहेत. दरवर्षी किंग खानच्या वाढदिवशी त्याच्या घराबाहेर चाहत्यांची गर्दी जमा होते. अलिकडेच २ नोव्हेंबरच्या दिवशी अभिनेत्याने त्याचा ५९ वा वाढदिवस साजरा केला. शाहरुख त्याच्या वाढदिवशी घरातील बाल्कनीमध्ये येतो आणि त्याच्या चाहत्यांची भेट घेतो. परंतु या वर्षी शाहरुख खान सुरक्षेच्या कारणास्तव चाहत्यांना भेटला नाही. असं असतानाही त्याने आपल्या वाढदिवशी झारखंडमधील एका 'जबरा फॅन'ची भेट घेतली आणि त्याची इच्छा पूर्ण केली. नेमकं काय घडलं? जाणून घ्या.

LATEST : King Khan meets the FAN who had travelled from Jharkhand and had been waiting for more than 95 days outside Mannat to meet him!

Truly, agar kisi cheez ko pure dil se chaaho ❤️ SRK makes his dream come true ! #ShahRukhKhan#King#SRKDay#HappyBirthdaySRKpic.twitter.com/CMBN2JN7HJ

— Shah Rukh Khan Universe Fan Club (@SRKUniverse) November 4, 2024

त्याचं झालं असं की, शाहरुखचा एक झारखंडमधील चाहता अभिनेत्याला वाढदिवसानिमित्त भेटता यावं यासाठी 'मन्नत' बाहेर उभा असायचा. हा 'जबर फॅन' अभिनेत्याची एक ना एक दिवस भेट होईल या आशेवर होता. जवळपास ९५ दिवस तो चाहता किंग खानच्या घराबाहेर उभा होता. शाहरुखला ही गोष्ट समजताच त्याने या 'डाय हार्ड फॅन'ला भेटून त्याची इच्छा पूर्ण केली. शेख मोहम्मद अन्सारी असं या चाहत्याचं नाव आहे.  शाहरुख खानचे त्याच्या चाहत्यासोबत काढलेले फोटो सध्या सोशल मीडियावर तुफान व्हायरल होत आहेत.

सोशल मीडियावर 'शाहरुख खान फॅन क्लब' या अकाउंटवरून हा  फोटो पोस्ट करण्यात आला आहे. ज्यामध्ये किंग खान त्याच्या झारखंडच्या चाहत्यासोबत हात मिळवून फोटो काढलाय. 

शाहरुख खानच्या चाहत्याची काय होती प्रतिक्रिया

इस्टंट बॉलिवूडसोबत बातचीत करताना अन्सारी यांनी त्यांच्या मनातील भावना व्यक्त केल्या. तेव्हा ते म्हणाले, "शाहरुख खान माझे आवडते अभिनेते आहेत. मी त्यांच्या खूप मोठा चाहता आहे. बऱ्याच दिवसांपासून मला त्यांनी भेटण्याची इच्छा होती. त्यांची भेट होणं हेच माझ्यासाठी खूप आहे. पुढे ते म्हणाले, केवळ अभिनेत्याला भेटता यावं यासाठी मी माझा काम ३५ दिवस बंद ठेवलं आहे. त्यांना भेटल्यानंतर मी लगेचच निघून जाणार आहे".