पाकिस्तानमध्ये आहे ऐश्वर्याची डुप्लिकेट; तुम्हीच ओळखा दोघींमधला फरक

Ashwarya rai bachchan: सध्या सोशल मीडियावर अशाच एका पाकिस्तानी मुलीची फोटो व्हायरल होत आहे. ही मुलगी अगदी ऐश्वर्यासारखी दिसत आहे.

बॉलिवूडचं ऐश्वर्य अर्थात अभिनेत्री ऐश्वर्या राय बच्चन (aishwarya rai bachchan) हिच्या सौंदर्याची जगभरात चर्चा होत असते. विश्वसुंदरी असलेल्या ऐश्वर्याचे आज असंख्य चाहते आहेत. त्यात मुलींचीही संख्या कमी नाही. ऐश्वर्याचा फिमेल फॅनफॉलोविंगही जबरदस्त आहे. त्यामुळे अनेक जणी तिच्यासारखं दिसण्याचा, वागण्याचा प्रयत्न करत असतात. त्यामुळे बऱ्याचदा तिच्यासारख्या हुबेहूब दिसणाऱ्या मुली पाहायला मिळतात. सध्या सोशल मीडियावर अशाच एका पाकिस्तानी मुलीची फोटो व्हायरल होत आहे. ही मुलगी अगदी ऐश्वर्यासारखी दिसत आहे.

मध्यंतरी बॉलिवूडमध्ये स्नेहा उल्लाल हिला ऐश्वर्याची कार्बन कॉपी असल्याचं म्हटलं जायचं. स्नेहाला सलमान खानने बॉलिवूडमध्ये लॉन्च केलं होतं. मात्र, काही मोजक्या चित्रपटांमध्ये झळकल्यानंतर ती बॉलिवूडापासून दूर झाली. परंतु, सध्या ऐश्वर्यासारखी दिसणाऱ्या दुसऱ्या एका मुलीची चर्चा रंगली आहे. ही मुलगी चक्क पाकिस्तानात राहत असल्याचं समोर आलं आहे. 

View this post on Instagram

A post shared by Aamna Imran (@aamna_imrann)

सोशल मीडियावर सध्या पाकिस्तानच्या आमना इमरान हिचे काही फोटो व्हायरल होत आहेत. आमना बऱ्यापैकी ऐश्वर्या राय बच्चन सारखी दिसत असून ती बॉलिवूड गाण्यांवर रिल्स करत असते. आमनाच्या इन्स्टाग्रामवर तिचे बरेच फोटो, व्हिडीओ आहेत. यात काही व्हिडीओमध्ये ती ऐश्वर्याच्या गाण्यावर डान्स करताना दिसून येते. तर, काही फोटोमध्ये तिने ऐश्वर्यासोबत आपले फोटो कोलाज केले आहेत.

दरम्यान, आमना हुबेहूब ऐश्वर्यासारखी दिसत असल्यामुळे अनेकांना तिच्यात संभ्रम निर्माण होत आहे. आमनाचे इन्स्टाग्रामवर 67.9 हजार फॉलोअर्स आहेत.