VIDEO: फुलबाजीच्या पाकिटावर स्वत:चा फोटो पाहून भारावली अनन्या पांडे; म्हणाली-'ते माझं स्वप्न...'

बॉलिवूड अभिनेत्री अनन्या पांडेचा सोशल मीडियावर एक व्हिडीओ समोर आला आहे.

Ananya Pandey : अभिनेत्री अनन्या पांडे(Ananya Pandey) तिच्या अभियनयासह हटके स्टाईलमुळे कायम लाईमलाइटमध्ये येत असते. अलिकडेच अनन्या तिच्या 'कॉल मी बे' या वेब सीरिजमुळे चर्चेत होती. सध्या सोशल मीडियावर अभिनेत्रीचा एक व्हायरल होणारा व्हिडीओ चर्चेचा विषय ठरलाय. तो व्हिडीओ पाहून नेटकऱ्यांनी अभिनेत्रीचं कौतुक केल्याचं पाहायला मिळतंय. 

इन्स्टाग्रामवर अनन्या पांडेचा हा व्हिडीओ तुफान व्हायरल होत आहे. या व्हिडीओमध्ये फुलबाजीच्या पॅकेटवर स्वत: चा फोटो पाहून अभिनेत्रीची रिअॅक्शन समोर आली आहे. व्हायरल व्हिडीओमध्ये ती प्रचंड खुश झाल्याची पाहायला मिळते. अनन्याचा फोटो फुलाबाजीच्या पॅकेटवर पाहून तिच्या घरातील प्रत्येकाला हसू अनावर झाल्याचं पाहायला मिळतंय. अनन्याच्या व्हिडीओवर तिच्या चाहत्यांनी लाईक्स आणि कमेंट्सचा वर्षाव केलाय. 

'filmfareme' या इन्स्टाग्राम अकाउंटवरून हा व्हिडीओ शेअर करण्यात आला आहे. व्हिडीओमध्ये अनन्या पांडे तिच्या आईला हाक मारते आणि म्हणते, "मॉम माझा फोटो फुलबाजीच्या पॅकेटवर आहे. ते माझे स्वप्न होतं... "असं म्हणत अभिनेत्रीचा आनंद गगनात मावेनासा झाला आहे. 

अनन्याच्या वर्कफ्रंटबद्दल बोलायचं झालं तर तिचा 'CTRL' हा चित्रपट OTT प्लॅटफॉर्म Netflix वर रिलीज झाला आहे. विक्रमादित्य मोटवणे दिग्दर्शित या सिनेमात तिने नेला अवस्थीची भूमिका साकारली आहे. तिच्या या भुमिकेचं भरभरुन कौतुकही झालं.