बॉलिवूड अभिनेत्रीला वेड्याच्या इस्पितळात कोंडून ठेवलं, मृत्यूनंतर तीन दिवस सडत होता मृतदेह

आज आम्ही तुम्हाला एका बॉलिवूड स्टार अभिनेत्रीची वेदनादायक कहाणी सांगत आहोत जिचा अंत इतका दुर्दैवी होता की तिची शेवटची इच्छाही पूर्ण होऊ शकली नाही.

७०-८०च्या दशकातील बॉलिवूड अभिनेत्रीने तिच्या कारकीर्दीत अनेक स्टार्ससोबत मोठ्या सिनेमात काम केले आणि तो काळ तिने गाजवला. पण तिचे वैयक्तिक आयुष्य खूप वेगळे होते. आज आम्ही तुम्हाला एका बॉलिवूड स्टार अभिनेत्रीची वेदनादायक कहाणी सांगत आहोत जिचा अंत इतका दुर्दैवी होता की तिची शेवटची इच्छाही पूर्ण होऊ शकली नाही. सत्तरच्या दशकात तिने आपल्या कामाने सर्वांची मने जिंकली. मात्र, कारकिर्दीच्या शिखरावर असताना तिला एका असाध्य आजाराने ग्रासले आणि त्यामुळे तिचे आयुष्य उद्ध्वस्त झाले.

आम्ही ज्या अभिनेत्रीबद्दल बोलत आहोत ती म्हणजे परवीन बाबी (Parveen Babi), जी पॅरानॉइड स्किझोफ्रेनिया नावाच्या दुर्मिळ आजाराची शिकार झाली होती. त्यामुळे तिची मानसिक स्थिती ढासळू लागली आणि कोणीतरी आपल्याला मारणार आहे असे वाटू लागले. परवीन बाबीच्या आजारपणाबद्दल सर्व बॉलिवूड स्टार्सना माहित होते आणि एकदा महेश भट तिच्या घरी पोहोचले तेव्हा ती कोपऱ्यात चाकू घेऊन बसली होती. यावेळी तिच्या ड्रेसिंगवर परफ्युमच्या बाटल्या पसरल्या होत्या आणि कोणीतरी आपल्याला मारण्याचा प्रयत्न करत असल्याचे तिला वाटले.

घरात आढळला अभिनेत्रीचा कुजलेला मृतदेह
परवीन बाबी १९८२ मध्ये काम करत होती आणि यादरम्यान न्यूयॉर्क विमानतळावर ती विचित्र वर्तन करत असल्याने तिला वेड्यांच्या इस्पितळात पाठवण्यात आले होते. पोलिसांनी परवीन बाबीला तिची ओळख विचारली असता ती सांगू शकली नाही आणि तिला वेड्यांच्या इस्पितळात बंद करण्यात आले. २२ जानेवारी २००५ रोजी परवीनने जगाचा निरोप घेतला आणि तिच्या घराबाहेर वर्तमानपत्रे आणि दुधाची पाकिटे पडलेली दिसली. घरातून कुजण्याचा वास येत होता. अशा स्थितीत पोलिसांनी येऊन दरवाजा तोडला असता तेथे परवीन बाबीचा कुजलेला मृतदेह आढळून आला.

परवीन बाबीच्या मृतदेहावर दावा करण्यासाठी कोणीही नातेवाईक नव्हते आणि काही लोक आल्यावर तिला सांताक्रूझच्या स्मशानभूमीत दफन करण्यात आले. खरेतर, अभिनेत्री मृत्यूपूर्वी ख्रिश्चन झाली होती आणि तिचे अंतिम संस्कार ख्रिश्चन रितीरिवाजानुसार व्हावेत अशी तिची इच्छा होती.