Throwback : घरात सायकल चालवणाऱ्या फोटोतील या मुलाला ओळखलंत? आज आहे बॉलिवूडचा सुपरस्टार

Bollywood Throwback : बॉलिवूड सेलिब्रिटींच्या बालपणीचे एक ना अनेक फोटो सोशल मीडियावर व्हायरल होतात. सध्या इंटरनेटवर बॉलिवूडच्या एका सुपरस्टारचा असाच एक खूप जुना फोटो व्हायरल होत आहे.

बॉलिवूड सेलिब्रिटींच्या बालपणीचे एक ना अनेक फोटो सोशल मीडियावर व्हायरल होतात. सध्या इंटरनेटवर बॉलिवूडच्या एका सुपरस्टारचा असाच एक खूप जुना फोटो व्हायरल होत आहे. या फोटोत हा सुपरस्टार बेडरूममध्ये सायकल चालवताना दिसतोय. फोटोतील या स्टारला ओळखणं कठीण आहे, पण अशक्य नाही. फोटोतील त्याची एनर्जी बघता तुम्ही त्याला सहज ओळखू शकता.

फोटोतील हा सडपातळ मुलगा कोण आहे? हे अद्यापही तुम्ही ओळखू शकला नसाल तर आम्ही सांगतो. हा दुसरा कुणा नसून बॉलिवूडचा खिलाडी अक्षय कुमार आहे.

होय, हा अक्षय कुमारचा किशोरवयातील फोटो आहे. हा फोटो 2019 साली खुद्द अक्षयने त्याच्या इन्स्टाग्रामवर शेअर केला होता. फोटोत अक्षय एका खोलीत सायकल चालवताना दिसतोय. या खोलीत एका बाजूने सोफा आहे आणि दुसऱ्या साईडला टीव्ही दिसतोय. ‘मोठा होत असताना मी स्पोर्टकडे ओढला गेलो आणि माझं पॅशन पूर्ण करण्यासाठी माझी आई घरचं जेवण बनवायची. जे पोषणाने भरलेलं असायचं. पण देशात सुमारे 1172604 मुलांना एकवेळचं जेवणही मिळत नाही....,’असं अक्षयने हा फोटो शेअर करताना लिहिलं होतं. एका स्वयंसेवी संस्थेच्या मोहिमेला पाठींबा देत त्याने ही पोस्ट केली होती.

अक्षयला अभ्यासात फार रस नव्हता. पण त्याला मार्शल आर्ट शिकायचे होते. यासाठी त्याने वडिलांची परवानगी मागितली आणि वडिलांनीही त्याला परवानगी देत थेट थायलंडला पाठवलं. थाई बॉक्सिंग शिकण्यासाठी अक्षय पाच वर्षे थायलंडमध्ये राहिला. हे सगळं करत असतानाच त्याच्या मनात अभिनयात करिअर करण्याची सुप्त इच्छा होती. पुढे तो मॉडेलिंगच्या दुनियेत आला आणि नंतर अभिनेता बनला. आज अक्षय किती मोठा सुपरस्टार आहे, हे सांगायला नकोच.