Drishyam 2 Box Office Report: ‘दृश्यम 2’ नॉनस्टॉप...! 9 व्या दिवशी जमवला इतक्या कोटींचा गल्ला

Drishyam 2 Box Office Report: अजय देवगणचा ‘दृश्यम 2’ बॉक्स ऑफिसवर सूसाट पळतोय. दुसऱ्या आठवड्यातही हा सिनेमा जबरदस्त गर्दी खेचतोय. अजयच्या या सिनेमात अशा अनेक गोष्टी आहेत, ज्या पाहण्यास प्रेक्षक उत्सुक आहेत आणि म्हणूनच ‘दृश्यम 2’ने छप्परफाड कमाई केली आहे.

काल शनिवारी या सिनेमाच्या कमाईत 85 टक्के वाढ झाली.  रिलीजच्या आठव्या दिवशी म्हणजे, शुक्रवारी या सिनेमाने 7.87 कोटींचा गल्ला जमवला  होता. काल म्हणजेच रिलीजच्या नवव्या दिवशी या सिनेमाने 14.05 कोटींची कमाई केली. याचबरोबर या चित्रपटाची एकूण कमाई 126.58 कोटींवर पोहोचली आहे.

शुक्रवारी वरूण धवनचा ‘भेडिया’ रिलीज झाला. या सिनेमावरही ‘दृश्यम 2’ भारी पडल्याचं चित्र आहे. सिनेमाच्या कमाईचा हा वेग बघता ‘दृश्यम 2’ लवकरच 200 कोटी क्लबमध्ये सामील होईल, अशी आशा आहे.

#Drishyam2 continues its PHENOMENAL RUN… Goes on an OVERDRIVE on [second] Sat… Poses tough competition to all films - new as well as holdover titles… Will pack a SOLID PUNCH on [second] Sun as well… [Week 2] Fri 7.87 cr, Sat 14.05 cr. Total: ₹ 126.58 cr. #India biz. pic.twitter.com/koIxUq6qcP

— taran adarsh (@taran_adarsh) November 27, 2022

पार्ट 3 येणार का?
‘दृश्यम 2’ अभिषेक पाठकने दिग्दर्शित केला आहे. अजय देवगण, तब्बू, अक्षय खन्ना, श्रिया सरन, इशिता दत्ता अशी लीड कास्ट असलेल्या या सिनेमाचा तिसरा पार्ट अर्थात ‘दृश्यम 3’ येणार का? असा सगळ्यांनाच प्रश्न पडला आहे. पण तूर्तास तरी काहीही फायनल झालेलं नाही. सध्या तरी मेकर्स ‘दृश्यम 2’च्या यशाचा आनंद घेत आहेत.

#Bhediya gathers speed on Day 2… Slowly and steadily, the film is finding its share of audience… National chains witness an upward trend, while mass pockets improve… Day 3 crucial, needs to show big gains… Fri 7.48 cr, Sat 9.57 cr. Total: ₹ 17.05 cr. #India biz. pic.twitter.com/BgnaLf1T6i

— taran adarsh (@taran_adarsh) November 27, 2022

‘भेडिया’ने दोन दिवसांत कमावले 25 कोटी
वरूण धवन, क्रिती सॅनन, अभिषेक बॅनर्जी यांच्या मुख्य भूमिका असलेला ‘भेडिया’ गेल्या शुक्रवारी रिलीज झाला आणि दोन दिवसांत या सिनेमाने 25 कोटींचा गल्ला जमवला. ‘दृश्यम 2’शी तगडी स्पर्धा असताना ‘भेडिया’ने दोन दिवसांत 25 कोटींचा बिझनेस करावा, यातच सगळं आलं. भारतीय बॉक्स ऑफिसवर  ‘भेडिया’ने रिलीजच्या पहिल्या दिवशी 7.48 कोटींची कमाई केली आणि दुसºया दिवशी शनिवारी 9.57 कोटींचा गल्ला जमवला. आत्तापर्यंत या चित्रपटाने 17.05 कोटींचा बिझनेस केला आहे.वर्ल्डवाईड कमाईबद्दल बोलायचं तर या चित्रपटाने दोन दिवसांत 26.66 कोटींचा वर्ल्डवाईड ग्रॉस बिझनेस केला आहे.