BOX OFFICE : टायगर सलमान खानने आमिर खानशी घेतला पंगा; ‘धूम’चा रेक्रॉर्ड केला ब्रेक!!

ब�

��लिवूडचा दबंग सलमान खान याच्या ‘टायगर जिंदा है’ या चित्रपटाने बॉक्स आॅफिसवर एकापाठोपाठ एक रेकॉर्ड ब्रेक केले आहेत. चित्रपटाने १३ व्या दिवशी २८६.४६ कोटी रुपयांची कमाई करीत आमिर खानच्या ‘धूम-३’चा रेक्रॉर्ड ब्रेक केला आहे. होय, सलमानच्या ‘टायगर जिंदा है’ने आमिर खानच्या ‘धूम-३’ या अ‍ॅक्शन थ्रिलर चित्रपटाचा रेक्रॉर्ड आपल्या नावे केला आहे. ‘धूम-३’ने १३ दिवसांत २८४ कोटींची कमाई केली होती, तर ‘टायगर जिंदा है’ने १३ व्या दिवशी २८६.४६ कोटींची कमाई करीत आघाडी मिळविली आहे. 

गेल्या वर्षात (२०१७) ‘बाहुबली-२’नंतर सलमानचा ‘टायगर जिंदा है’ ताबडतोब कमाई करणारा चित्रपट ठरला आहे. विशेष म्हणजे हे दोन्ही चित्रपट यशराज फिल्म्सचे आहेत. त्याचबरोबर सलमानचा हा चित्रपट सलमानच्याच ब्लॉकबस्टर ‘सुलतान’चा रेक्रॉर्ड ब्रेक करण्याची शक्यता आहे. अली अब्बास जफर यांनी दिग्दर्शित केलेला हा चित्रपट २०१२ मध्ये आलेल्या ‘एक था टायगर’चा सीक्वल आहे. या चित्रपटातही सलमानच मुख्य भूमिकेत बघावयास मिळाला होता. 

या अगोदर सलमानने अली अब्बास जफरसोबत ‘सुलतान’ या चित्रपटात काम केले होते. या चित्रपटानेही बॉक्स आॅफिसवर चांगली कमाई केली होती. दरम्यान, ‘टायगर जिंदा है’मध्ये सलमानसोबत कॅटरिना कैफ, सज्जाद डेलाफ्रूज, अंगद बेदी, गिरीश कर्नाड, परेश रावल, कुमद मिश्रा यांच्या प्रमुख भूमिका आहेत. चित्रपटात सलमान-कॅटरिनाची जोडी प्रेक्षकांना खूप भावत आहे. दोन दिवसांपूर्वी सलमानने पहिल्यांदा चित्रपटाच्या यशाबद्दल प्रतिक्रिया व्यक्त केली होती. यावेळी त्याने चित्रपटाच्या यशाचे सर्व श्रेय प्रेक्षकांना दिले.