​भाईजानचा ‘दिवाळी धमाका’! ‘टायगर जिंदा है’चे पहिले पोस्टर जारी करत दिली दिवाळी भेट!!

‘टायगर जिंदा है’ या चित्रपटाची तुम्ही सगळे आतुरतेने प्रतीक्षा करत आहात, हे आम्हाला ठाऊक आहेच. काही दिवसांपूर्वी या चित्रपटाचा ...

‘�

��ायगर जिंदा है’ या चित्रपटाची तुम्ही सगळे आतुरतेने प्रतीक्षा करत आहात, हे आम्हाला ठाऊक आहेच. काही दिवसांपूर्वी या चित्रपटाचा दिग्दर्शक अली अब्बास जफर याने एक tweet केले होते. ‘या दिवाळीत सलमान खानच्या चाहत्यांना खूप मोठे सरप्राईज मिळणार,’ असे हे tweet होते. अखेर हे सरप्राईज सगळ्यांसमोर आलेय. होय, आज दिवाळीच्या मुहूर्ताला ‘टायगर जिंदा है’चे पहिले पोस्टर आऊट झालेय. होय, दिवाळीच्या एक दिवसआधी भाईजानने आपल्या tweeter अकाऊंटवर हे पोस्टर जारी  करत जोरदार धमाका केला आहे. ‘दिवाळी गिफ्ट आवडले? आता, नाताळला भेटू,’ असे सलमानने हे पोस्टर पोस्ट करताना लिहिले आहे.



ALSO READ: ​सलमान खानचा बॉडीगार्ड शेरा कॅटरिना कैफच्या दिमतीला!

या पोस्टरमध्ये सलमान हातात बंदूक घेऊन दिसतोय. ‘नो वन हंट लाईक अ वाऊंडेड टायगर’(कुणीही जखमी वाघाची अशाप्रकारे शिकार करू शकत नाही.) असे या पोस्टरवर लिहिलेले आहे.  पोस्टरचे म्हणाल तर, दिग्दर्शक अली अब्बास जफरने एका गोष्टीची पूरेपूर काळजी घेतली आहे. ती म्हणजे, २०१२ मध्ये आलेल्या ‘एक था टायगर’चा फ्लेवर त्याच्या सीक्वलमध्येही जसाच्या तसा प्रेक्षकांपर्यंत पोहोचावा, याकडे जफरने लक्ष दिले आहे. हे पोस्टर लक्षपूर्वक बघितल्यास एक गोष्ट तुम्हाला नक्की जाणवेल, ती म्हणजे टायगर आधीप्रमाणेच अतिशय ‘खूंखार ’ दिसतोय. या पोस्टरनंतर ‘टायगर जिंदा है’च्या ट्रेलरकडे सगळ्यांच्या नजरा असणार आहे. शेवटी हा टायगर कशामुळे घायाळ झालायं, हे बघायला तुम्ही आम्ही सगळेच आतूर आहोत.
सलमान व कॅटरिना कैफचा ‘एक था टायगर’ हा चित्रपट कबीर खानने  दिग्दर्शित केला होता. हा चित्रपट तुफान गाजला होता. ‘टायगर जिंदा है’हा ‘एक था टायगर’चा सीक्वल आहे. पण हा चित्रपट कबीरऐवजी अली अब्बास जफर दिग्दर्शित करतो आहे. पाच वर्षांनंतर एकत्र येत असलेल्या सलमान व कॅट या दोघांमधील केमिस्ट्री चित्रपट रिलीज होण्याअगोदरच दिसून येत आहे. सलमानने काही दिवसांपूर्वीच स्पष्ट केले होते की, हा चित्रपट त्याच्या ‘एक था टायगर’पेक्षा अधिक जबरदस्त असेल. चित्रपटात शानदार अ‍ॅक्शन सीन्स असल्याने प्रेक्षकांना एक  नवी अनुभूती मिळेल. ‘टायगर जिंदा है’ची कथा तेथूनच सुरू होणार आहे, ज्याठिकाणी ‘एक था टायगर’ची कथा संपली होती.