Chandramukhi 2 : हिरवी साडी, कुरळे केस आणि शाही अवतारात दिसली कंगना राणौत, फर्स्ट लूक आला समोर

Chandramukhi 2 : कंगना राणौतचा चंद्रमुखी २ मधील फर्स्ट लूक बाहेर आला आहे. तिच्या या लूकने चाहत्यांमध्ये चित्रपटाबद्दलची उत्सुकता वाढवली आहे.

बॉलिवूडची क्वीन कंगना राणौत अभिनीत हॉरर कॉमेडी चित्रपट 'चंद्रमुखी २' मधील अभिनेत्रीचा फर्स्ट लूक समोर आला आहे. लायका प्रॉडक्शनने चित्रपटाचे पहिले पोस्टर रिलीज केले आहे ज्यामध्ये कंगना हिरव्या रंगाच्या साडीत दिसते आहे. कंगना साडीसोबत हेवी ज्वेलरी परिधान करताना दिसत आहे. तिच्या या लूकने चाहत्यांमध्ये चित्रपटाबद्दलची उत्सुकता वाढवली आहे.

पोस्टरमध्ये कंगना एका वाड्यात पोझ देताना दिसत आहे. पोस्टर शेअर करताना, लायका प्रॉडक्शनने कॅप्शनमध्ये लिहिले की, 'आमचे लक्ष वेधूीन घेणारे सौंदर्य आणि पोझ! चंद्रमुखी २ मधील चंद्रमुखी म्हणून कंगना राणौतचा मोहक, जबरदस्त आणि सुंदर फर्स्ट लुक सादर करत आहे. या गणेश चतुर्थीला तामिळ, हिंदी, तेलुगू, मल्याळम आणि कन्नडमध्ये रिलीज होत आहे!

याआधी लायका प्रोडक्शनने कंगनाचा एक व्हिडीओही शेअर केला होता. या व्हिडीओमध्ये 'फॅशन', 'तनु वेड्स मनू', 'क्रिश ३', 'क्वीन', 'मणिकर्णिका' ते 'चंद्रमुखी २' या वेगवेगळ्या चित्रपटांतील कंगनाची पात्रे दाखवण्यात आली होती. या व्हिडीओसोबत कॅप्शनमध्ये लिहिले की, 'प्रतीक्षा संपली! आपल्या धैर्याने, सौंदर्याने आणि चारित्र्याने वर्षानुवर्षे आपल्या हृदयावर राज्य करणारी राणी परत आली आहे! संपर्कात रहा कारण आम्ही उद्या सकाळी ११ वाजता चंद्रमुखी २ मधून कंगनाचा फर्स्ट लूक रिलीज करणार आहोत!

View this post on Instagram

A post shared by Lyca Productions (@lycaproductions)

'चंद्रमुखी २' हा ब्लॉकबस्टर हिट तमिळ हॉरर कॉमेडी चित्रपट 'चंद्रमुखी'चा सिक्वेल आहे. या चित्रपटात कंगना राजाच्या दरबारातील एका नर्तिकेच्या भूमिकेत दिसणार आहे, जी तिच्या सौंदर्य आणि प्रतिभेसाठी प्रसिद्ध होती. या चित्रपटात कंगनासोबत राघव मुख्य भूमिकेत दिसणार आहे. लायका प्रॉडक्शन आणि सुबास्करन यांचा हा चित्रपट सप्टेंबरमध्ये तामिळ, तेलगू, हिंदी, मल्याळम आणि कन्नड भाषेत प्रदर्शित होणार आहे.

आगामी प्रोजेक्ट

'चंद्रमुखी २' व्यतिरिक्त कंगना राणौत इतर अनेक चित्रपटांमध्ये दिसणार आहे. 'तेजस' चित्रपटात तो भारतीय वायुसेनेच्या पायलटच्या भूमिकेत दिसणार आहे. यासोबतच ती 'इमर्जन्सी' चित्रपटात दिवंगत पंतप्रधान इंदिरा गांधी यांची भूमिका साकारताना दिसणार आहे.