आयुष्यमान खुराणाने भूमी पेडणेकरला घडविली ‘कंडोम राइड’!

आयुष्यमानने प्रमोशनचा एक फोटो इन्स्टाग्रामवर पोस्ट केला असून, त्यामध्ये तो को-स्टार भूमी पेडणेकरला कंडोम राइड घडविताना दिसून येत आहे.

अ�

��िनेता आयुष्यमान खुराणा आणि भूमी पेडणेकर स्टारर ‘शुभमंगल सावधान’ हा चित्रपट उद्या रिलीज होणार असून, दोघेही अखेरच्या दिवसापर्यंत प्रमोशनमध्ये व्यस्त असल्याचे बघावयास मिळत आहे. कारण आयुष्यमान आणि भूमी प्रमोशननिमित्त असे काही करीत असताना दिसले जे बघून सगळेच दंग राहिले. होय, आयुष्यमानने प्रमोशनचा एक फोटो इन्स्टाग्रामवर पोस्ट केला असून, त्यामध्ये तो को-स्टार भूमी पेडणेकरला कंडोम राइड घडविताना दिसून येत आहे. 

खरं तर ‘कंडोम राइड’ हे ऐकायला विचित्र वाटते, परंतु हे सत्य आहे. फोटो बघून तुम्हाच्याही ही बाब लक्षात येऊ शकेल की, आयुष्यमान कशा पद्धतीने आपल्या हिरोईनला कंडोम राइड घडवित आहे. ही कंडोम राइड म्हणजे एक बाइक आहे. ज्याला कंडोमचा आकार देण्यात आला आहे. त्यावर बसून भूमी आणि आयुष्यमान फेरफटका मारताना दिसत आहेत. आयुष्यमानने हा फोटो इन्स्टावर शेअर केला असून, कॅप्शनमध्ये लिहिले की, ‘सावधान रहा... कंडोमचा वापर करा... हा चित्रपट लैंगिक आजार इरेक्टाइन डिसफंक्शनवर आधारित आहे.’
 

उद्या म्हणजे १ सप्टेंबर रोजी हा चित्रपट रिलीज होत आहे. चित्रपटात आयुष्यमान आणि भूमी प्रमुख भूमिकेत बघावयास मिळणार आहेत. चित्रपटात आयुष्यमान ‘मुदित’ तर भूमी ‘सुगंधा’ नावाचे पात्र साकारत आहेत. काही दिवसांपूर्वीच भूमीचा अक्षयकुमारसोबत ‘टॉयलेट : एक प्रेम कथा’ या चित्रपटात बघावयास मिळाली होती. या चित्रपटाने बॉक्स आॅफिसवर चांगली कमाई केली आहे. आता तिचा हा चित्रपट काय करिष्मा करणार हे बघणे औत्सुक्याचे ठरेल. कारण या चित्रपटाची थेट टक्कर मल्टीस्टारर ‘बादशाहो’ या चित्रपटाशी होणार आहे. ‘बादशाहो’मध्ये अजय देवगण याच्यासह इमरान हाशमी, ईशा गुप्ता, इलियाना डिक्रूज यांच्या भूमिका आहेत. शिवाय सनी लिओनीचा एक धमाकेदार आयटम सॉन्गही आहे. अशात आयुष्यमान-भूमीचा ‘शुभमंगल सावधान’ हा चित्रपट कितपत तग धरेल, हे येत्या काळात स्पष्ट होईलच.