Confirm! अजय देवगणच्या सिनेमातून रवीना टंडनची लेक राशा करणार पदार्पण, समोर आली रिलीज डेट

Raveena Tandon's daughter Rasha Thadani : रवीना टंडनची मुलगी राशा लवकरच बॉलिवूडमध्ये पदार्पण करणार आहे.

रवीना टंडनची मुलगी राशा हिचे बॉलिवूड डेब्यू गेल्या अनेक दिवसांपासून चर्चेत आहे. अलीकडेच अशा बातम्या आल्या होत्या की राशा थडानी लवकरच अभिषेक कपूरच्या चित्रपटातून बॉलिवूडमध्ये पदार्पण करू शकते. राशा थडानी देखील काही आठवड्यांपूर्वी अभिषेक कपूरसोबत जेवण करताना दिसली होती. नंतर ती दिग्दर्शकाच्या कार्यालयातून बाहेर पडतानाही दिसली. आता राशा थडानी दिग्दर्शक अभिषेक कपूरच्या चित्रपटातून पदार्पण करणार असल्याचे निश्चित झाले आहे. अजय देवगणचा पुतण्या अमन देवगणही या चित्रपटातून पदार्पण करणार आहे.

राशा थडानीच्या पहिल्या चित्रपटाची घोषणा करण्यात आली आहे. हा एक अ‍ॅक्शन-अ‍ॅडव्हेंचर चित्रपट असून, त्याचे शूटिंग लवकरच सुरू होणार आहे. चित्रपटाचे नाव अद्याप जाहीर झाले नसले तरी प्रदर्शनाची तारीख आली आहे. तो ९ फेब्रुवारी २०२४ रोजी थिएटरमध्ये दाखल होणार आहे. या चित्रपटात अजय देवगणही दिसणार आहे.

आधी सारा अली खान आणि आता राशाला करणार लाँच 
राशा थडानी आणि अमन देवगण स्टारर या चित्रपटाची निर्मिती रॉनी स्क्रूवाला आणि प्रज्ञा कपूर करणार आहेत. राशाआधी अभिषेक कपूरने सारा अली खानला 'केदारनाथ'मधून बॉलिवूडमध्ये लॉन्च केले आहे. साराची गणना आज बॉलिवूडमधील टॉप तरुण अभिनेत्रींमध्ये केली जाते. आता राशा चित्रपटात आल्यावर काय धमाका करणार हे पाहावे लागेल.

POLL

कोणता राजकीय पक्ष येत्या काळात महाराष्ट्राला सर्व आघाड्यांवर पुढे घेऊन जाऊ शकतो, असं तुम्हाला वाटतं?

भाजपाशिवसेनाशिवसेना (उद्धव बाळासाहेब ठाकरे)काँग्रेसराष्ट्रवादी काँग्रेसमहाराष्ट्र नवनिर्माण सेनावंचित बहुजन आघाडीआम आदमी पार्टीभारत राष्ट्र समितीअन्य

तशीतर, राशा आधीच पापाराझींमध्ये हिट झाली आहे. पदार्पणापूर्वीच राशाने मोठा चाहता वर्ग तयार केला आहे. एक अप्रतिम नृत्यांगना आणि गायिका असण्यासोबतच राशा अभिनयात स्वतःला कितपत सिद्ध करू शकते हे पाहणे बाकी आहे.