Video: फार्महाऊसवर पुन्हा परतले धर्मेंद्र, व्हिडीओ शेअर करत व्यक्त केली चिंता

व्हिडिओच्या सुरुवातीला फार्महाऊसची अप्रतिम झलक पाहायला मिळत आहे. त्यानंतर धर्मेंद्र( Dharmendra) बंगल्याबाहेर निवांत वेळ घालवत आहेत. चहाचा ते आस्वाद घेत असल्याचे दिसत आहे.

आपल्या अभिनयाने ८०च्या दशकात एकाहून एक सरस चित्रपट देणारे आणि आजतागायत रसिकांच्या मनावर अधिराज्य गाजवणारे अभिनेता म्हणजे धर्मेंद्र. कुणी त्यांना बॉलीवूडचे हिमॅन म्हणतं तर कुणी वीरू… रसिकांनी धरमपाजींवर कायमच प्रेम केलं आहे. आजही धर्मेंद्र यांची लोकप्रियता कमी झालेली नाही. धरमपाजीं सोशल मीडियावर सक्रीय असून तिथंही त्यांचे अनेक चाहते आहेत. धर्मेंद्र सोशल मीडियावर आपल्या फार्महाऊसचे फोटो शेअर करत असतात.आपला बराच वेळ ते इथंच घालवतात. गेल्या काही महिन्यांपासून ते त्यांच्या फार्महाऊसवर नव्हते.आता पुन्हा ते त्यांच्या फार्महाऊसवर परतले आहेत.

काही तासांपूर्वी त्यांच्या लोणावळ्यातील फार्महाऊसचा एक व्हिडिओ इंस्टाग्रामवर शेअर केला आहे. या व्हिडिओमध्ये त्यांनी पुन्हा एकदा त्यांच्या भव्य फार्महाऊसची झलक दाखवली आहे.व्हिडिओ शेअर करताना धर्मेंद्र यांनी लिहिले की - सर्वांना खूप प्रेम.

 

View this post on Instagram

A post shared by Dharmendra Deol (@aapkadharam)

 
व्हिडिओच्या सुरुवातीला फार्महाऊसची अप्रतिम झलक पाहायला मिळत आहे. त्यानंतर धर्मेंद्र बंगल्याबाहेर निवांत वेळ घालवत आहेत. चहाचा ते आस्वाद घेत असल्याचे दिसत आहे. मी खूप दिवसांनी माझ्या फार्महाऊसवर परतलो आहे.दिल्लीत एका चित्रपटाचं शूटिंग सुरू होतं, पण तिथे खूप थंडी होती. त्यानंतर सनीसोबत हिमाचल प्रदेशला भेट देण्यासाठी गेलो, तिथेही खूप थंडी होती. आता इथे आलोय, इथे पण थंडी आहे. तसेच कोरोना पुन्हा पाय पसरत असल्याबद्दल चिंता व्यक्त करत सर्वांना स्वतःची काळजी घेण्यासही सांगितले.

फार्महाऊसवरुन अनेकदा सोशल मीडियावर निसर्गाचा आनंद घेत पोस्ट शेअर करत असतात. मध्यंतरी त्यांनी अशीच एक पोस्ट लिहीली होती. या पोस्टमध्ये त्यांनी म्हटलं होतं की,“हे जीवन खूप सुंदर आहे, मित्रांनो या प्रत्येक क्षणाचा आनंद लुटा. लव यू, चीअर अप” असं धर्मेंद्र यांनी पोस्टमध्ये म्हटलं होतं. धरमपाजींच्या या पोस्टला त्याच्या चाहत्याने उत्तर देत म्हटलं होतं की, “धरमपाजी जीवनाचा आनंद घेणं, चांगलं व्यक्ती कसं बनावं हे आम्ही तुमच्याकडूनच शिकलो आहे. लव यू धरमपाजी” अशा शब्दांत या चाहत्याने आपली प्रतिक्रिया दिली होती. धर्मेंद्र यांचा व्हिडिओ सोशल मीडियावर बराच व्हायरल झाला होता.धरमपाजी यांचे व्हिडिओ पाहून या बंगल्याची किंमत कोट्यवधीच्या घरात असेल याचा अंदाज तुम्ही लावू शकता. या बंगल्यात मोठमोठ्या मूर्ती आणि कारंजे पाहायला मिळत आहे.