दीपिका पादुकोणने नाकारलेल्या या सिनेमात कतरिना कैफची लागली वर्णी, करिअरला मिळाली कलाटणी

Katrina Kaif : कतरिना कैफने तिच्या फिल्मी करिअरमध्ये अनेक ब्लॉकबस्टर चित्रपट दिले आहेत. मात्र, अनेकवेळा ती ब्लॉकबस्टर चित्रपटांसाठी निर्मात्यांची पहिली पसंती ठरली नाही.

कतरिना कैफ(Katrina Kaif)ने तिच्या फिल्मी करिअरमध्ये अनेक ब्लॉकबस्टर चित्रपट दिले आहेत. मात्र, अनेकवेळा ती ब्लॉकबस्टर चित्रपटांसाठी निर्मात्यांची पहिली पसंती ठरली नाही. असाच एक चित्रपट होता ज्यासाठी कतरिना कैफ निर्मात्यांची पहिली पसंती नव्हती. या चित्रपटासाठी यापूर्वी दीपिका पादुकोणला अप्रोच करण्यात आले होते. तिने चित्रपट करण्यास नकार दिल्यानंतर कतरिनाला त्याची ऑफर आली आणि त्यानंतर तिच्या करिअरमध्ये मोठा बदल झाला. हा चित्रपट ब्लॉकबस्टर ठरला. हा चित्रपट म्हणजे धूम ३.

धूम ३ हा एक ॲक्शन-पॅक्ड चित्रपट होता जो विजय कृष्णाने दिग्दर्शित आणि लिहिला होता. या चित्रपटाची निर्मिती आदित्य चोप्राने केली होती. धूम फ्रँचायझीचा हा तिसरा चित्रपट होता जो अप्रतिम होता. या चित्रपटात अभिषेक बच्चन, आमिर खान, उदय चोप्रा, जॅकी श्रॉफ आणि कतरिना कैफ महत्त्वाच्या भूमिकेत दिसले होते.

दीपिकाला केले होतं अप्रोच
कतरिना कैफच्या आधी, दीपिका पादुकोणला आमिर खानच्या विरुद्ध भूमिकेसाठी संपर्क साधण्यात आला होता. परंतु तिने या चित्रपटासाठी नाही म्हटले कारण ती त्यावेळी अयान मुखर्जीचा ये जवानी है दिवानी करत होती. त्यानंतर ही भूमिका कतरिना कैफला ऑफर करण्यात आली.

डान्स नंबर झाला व्हायरल 
धूम ३ मधील कतरिना कैफचा कमली हा डान्स नंबर व्हायरल झाला होता. तिचे हॉट मूव्ह्स पाहून लोक वेडे झाले. या चित्रपटातील कतरिना कैफचा अभिनय प्रेक्षकांसोबतच समीक्षकांनाही आवडला होता. मात्र, आमिरच्या खलनायकाच्या भूमिकेने सर्व प्रसिद्धी घेतली. १७५ कोटी रुपये खर्चून बनलेला हा चित्रपट त्या वर्षातील सर्वात महागड्या चित्रपटांपैकी एक होता. या चित्रपटाने बॉक्स ऑफिसवर मोठी कमाई केली आणि जगभरात ५५८ कोटींची कमाई केली. हा चित्रपट कतरिना कैफचा सर्वात मोठा ब्लॉकबस्टर ठरला.