दिशा पटानीने एक्स बॉयफ्रेंड टायगर श्रॉफला खास अदांजात केलं बर्थडे विश, म्हणाली...

टायगर श्रॉफची एक्स गर्लफ्रेंड आणि बी-टाऊनची प्रसिद्ध अभिनेत्री दिशा पटानीने त्याला खास अंदाजात वाढदिवसाच्या शुभेच्छा दिल्या आहेत.

Disha Patani On Tiger Shroff Birthday: हिंदी चित्रपटसृष्टीचा अ‍ॅक्शन किंग म्हणजेच टायगर श्रॉफ(Tiger Shroff)  आज 2 मार्च रोजी त्याचा वाढदिवस साजरा करत आहे. स्टार किड असूनही टायगर श्रॉफने आपल्या अप्रतिम अभिनयाच्या जोरावर एक वेगळी ओळख निर्माण केली आहे. टायगर श्रॉफच्या वाढदिवसानिमित्त इंडस्ट्रीतील सर्व सेलिब्रिटी त्याला वाढदिवसाच्या शुभेच्छा देत आहेत. दरम्यान, टायगर श्रॉफची एक्स गर्लफ्रेंड आणि बी-टाऊनची प्रसिद्ध अभिनेत्री दिशा पटानी(Disha Patani) नेही त्याला वाढदिवसाच्या शुभेच्छा दिल्या आहेत.

दिशाने केलं टायगरला बर्थ डे विश 
टायगर श्रॉफच्या वाढदिवसानिमित्त बॉलिवूड फिल्म इंडस्ट्रीतील अनेक सेलिब्रिटी त्याला सोशल मीडियावर शुभेच्छा देत आहेत. टायगरची एक्स गर्लफ्रेंड दिशा पटानी ही मागे कशी राहील?दिशा पटानीने तिच्या अधिकृत इंस्टाग्राम हँडल स्टोरीमध्ये टायगर श्रॉफचा एक फोटो शेअर केला आहे. या फोटोत टायगर खूपच क्यूट दिसत आहे. 

या फोटोच्या कॅप्शनमध्ये दिशा पटानीने लिहिले आहे की- 'हॅपी बर्थडे टिग्गी, तू नेहमीच सर्वात सुंदर आणि प्रेरणादायी आहेस.' अशा अंदाजात दिशाने एक्स बॉयफ्रेंड टायगर श्रॉफला वाढदिवसाच्या शुभेच्छा दिल्या आहेत.

टायगर श्रॉफ आणि दिशा पटानी दीर्घकाळ एकमेकांसोबत रिलेशनशिपमध्ये होते, ते गेल्या वर्षी वेगळे झाले. याआधी दिशा आणि टायगरची जोडी 'बागी 2' आणि 'बागी 3' मध्ये दिसली आहे. यासोबतच टायगर श्रॉफ आणि दिशा पटानीचे बेफिक्रा हे गाणेही खूप लोकप्रिय झाले होते.