Don't miss : पाहा, ‘जुडवा2’चा धमाकेदार ट्रेलर...!!

अखेर वरूण धवनच्या मोस्ट अवेटेड ‘जुडवा2’ या चित्रपटाचा ट्रेलर आज रिलीज झाला. अगदी सलमान व गोविंदा स्टाईलमध्ये वरूण या चित्रपटात दिसतो आहे.

अ�

��ेर वरूण धवनच्या मोस्ट अवेटेड ‘जुडवा2’ या चित्रपटाचा ट्रेलर आज रिलीज झाला. अगदी सलमान व गोविंदा स्टाईलमध्ये वरूण या चित्रपटात दिसतो आहे. प्रेम आणि राजा अशा डबलरोलमध्ये वरूण यात आहे. राजा म्हणजे एकदम टपोरी, बिनधास्त तर पे्रम तितकाच विनम्र. वरूण धवनला एकाचवेळी दोन वेगवेगळ्या कॅरेक्टरमध्ये पाहणे, हे त्याच्या चाहत्यांसाठी नक्कीच पर्वणी म्हणायला हवी. त्याअर्थाने चित्रपटाचा ट्रेलर प्रेम व राजा यांच्यासारखाच अतिशय मनोरंजक आहे. दोन्ही अवतारात वरूण अगदी जमून आलाय. सोबत तापसी पन्नू व जॅकलिन फर्नांडिस या दोघींनी या ट्रेलरला ग्लॅमरचा तडका दिलाय. ‘उंची है बिल्डिंग’ आणि ‘टन टना टन...’ या गाण्यांची एक झलकही या ट्रेलरमध्ये दिसते. 



ALSO READ : जाणून घ्या वरुण धवन गर्लफ्रेंड नताशा दलालसोबत केव्हा करणार लग्न?

१९९७ साली दिग्दर्शक डेव्हिड धवन यांच्या सुपरहिट चित्रपटात सलमान खानने दुहेरी भूमिका केली होती. तब्बल १९ वर्षांनंतर याच चित्रपटाचा सीक्वल पुन्हा तयार करण्यात येत  आहे. विशेष म्हणजे, या सीक्चलमध्येही तुम्हा-आम्हाला सलमान खान  पाहायला मिळणार आहे. अर्थात केवळ दोन मिनिटांसाठी. होय, सलमान यात कॅमिओ करताना दिसणार आहे. सलमान चित्रपटाच्या क्लायमॅक्समध्ये दिसणार आहे, तेही ठीक क्रेडिटच्या आधी. वरूण धवनचे डबल कॅरेक्टर राजा आणि प्रेम एका हॉटेलमध्ये रिअल राजा व प्रेम म्हणजेच सलमानला  भेटतात, असा हा सीन असेल. यात सलमान व वरूणचा एखाद-दुसरा संवाद आहे.  ‘उंची है बिल्डिंग’ आणि ‘टन टना टन...’ही दोन गाजलेली गाणीही ‘जुडवा2’मध्ये दिसणार असल्याचे कळतेय.   येत्या वर्षात दसºयाच्या मुहूर्तावर हा चित्रपट प्रेक्षकांच्या भेटीस येतो आहे.