ओळखा पाहू? फोटोत गोंडस हसणारी ही चिमुकली बॉलिवूडवर गाजवतेय अधिराज्य, शाहरुख खानची आहे फेव्हरिट

फोटोतली ही चिमुकलीने बॉलिवूडच नाही तर हॉलिवूडमध्येही आपले स्थान निर्माण केले आहे.

सिने कलाकार त्यांच्या फॅन फॉलोइंगच्या जोरावर इंडस्ट्रीवर राज्य करतात. बॉलिवूड स्टार्स त्यांच्या प्रोफेशनल लाइफपासून ते पर्सनल लाईफपर्यंत खूप चर्चेत असतात. आपल्या आवडत्या स्टारशी संबंधित प्रत्येक लहान-मोठ्या गोष्टी जाणून घेण्यासाठी चाहतेही नेहमीच उत्सुक असतात. दुसरीकडे, जेव्हा स्टार्सच्या बालपणाचा विचार केला जातो, तेव्हा स्टार्सच्या बालपणाशी संबंधित प्रत्येक मजेदार गोष्ट जाणून घेण्यासाठी चाहते खूप उत्सुक असतात. हल्ली कलाकारांचे बालपणीचे फोटो सोशल मीडियावर व्हायरल होतात, जे पाहून बरेचदा चाहते देखील त्यांच्या आवडत्या स्टार्सला ओळखू शकत नाहीत. आता आणखी एक फोटो इंटरनेटवर खूप चर्चेत आहे, या फोटोमध्ये दिसणारी ही चिमुरडी आज बॉलिवूडची टॉप अभिनेत्री आहे.

फोटोत दिसणारी ही चिमुरडी जमिनीवर बसलेली आहे, तसंच स्वेटर आणि टोपीमध्ये ही मुलगी खूपच क्यूट दिसत आहे. ही  सुपरक्यूट बेबी गर्ल तिच्या हसण्याने नेटकऱ्यांचे मन जिंकत आहे. पण तुम्हाला माहिती आहे का की फोटोत दिसणारी ही मुलगी आज बॉलिवूडची सुपरस्टार आहे. आजही ही मुलगी तिच्या हसण्याने चाहत्यांची मने जिंकताना दिसते आहे. 

बॉलिवूडसोबतच या मुलीने हॉलिवूडमध्येही आपली ओळख निर्माण केली आहे. ही मुलगी इंडस्ट्रीत 'मस्तानी' नावाने परिचीत आहे. ही चिमुकली दुसरी तिसरी कुणी नसून बॉलिवूड अभिनेत्री दीपिका पादुकोण आहे. हा क्यूट फोटो दीपिकाने स्वतः तिच्या इंस्टाग्राम अकाउंटवरून शेअर केला आहे. हा फोटो शेअर करत दीपिकाने लिहिले की, "इंदिरानगर की गुंडी हूं मैं." दीपिकाचा हा फोटो पाहताच इंटरनेटवर व्हायरल झाला.

वर्क फ्रंटबद्दल बोलायचे झाले तर दीपिका पादुकोण नुकतीच 'पठाण' चित्रपटात दिसली आहे. या चित्रपटात दीपिका रॉ एजेंटची भूमिका साकारत आहे. या चित्रपटातील दीपिका आणि शाहरुखची जोडी प्रेक्षकांना खूप आवडते. शाहरुख खान, दीपिका आणि जॉन अब्राहम स्टारर हा चित्रपट सिद्धार्थ आनंदने दिग्दर्शित केला आहे.