पुन्हा तोच थरार, तोच रोमांच...! ‘Drishyam 2 ’चं शूट सुरू, पाहा सेटवरचा पहिला फोटो

Drishyam 2 : 2015 साली रिलीज झालेला अजय देवगण, तब्बू, श्रिया सरन यांचा ‘दृश्यम’ हा सिनेमा चांगलाच गाजला होता. आता तब्बल 7 वर्षानंतर या चित्रपटाचा सीक्वल तुमच्या आमच्या भेटीस येतोय.

Drishyam 2 Shooting : 2015 साली रिलीज झालेला अजय देवगण (Ajay Devgn), तब्बू (Tabbu), श्रिया सरन (Shriya Saran)यांचा ‘दृश्यम’ हा सिनेमा चांगलाच गाजला होता. आता तब्बल 7 वर्षानंतर या चित्रपटाचा सीक्वल तुमच्या आमच्या भेटीस येतोय. होय, ‘दृश्यम 2’चं (Drishyam 2) ) शूटींग सुरू झालं असून सेटवरचा पहिला फोटोही समोर आला आहे.

चौथी नापास असलेला विजय आणि त्याच्या कुटुंबाची कथा चाहत्यांना प्रचंड भावली होती. एका हत्या प्रकरणामुळे विजयचं कुटुंब अडचणीत येतं. विजय अतिशय शिताफीनं त्याच्या कुटुंबाला या प्रकरणातून वाचवतो. शेवटपर्यंत खिळवून ठेवणाऱ्या या चित्रपटानं चाहत्यांना वेड लावलं होतं.   याचा सीक्वल येणार प्रेक्षकांची उत्सुकता शिगेला पोहोचली आहे. चाहते या थ्रिलर ड्रामाच्या सीक्वलची आतुरतेने वाट पाहत असताना, अजय देवगण आणि श्रिया सरन यांनी ‘दृश्यम 2’च्या शूटिंगला सुरुवात केली आहे. 

Can Vijay protect his family again? #Drishyam2 shoot begins.#Tabu@shriya1109@AbhishekPathakk@KumarMangatpic.twitter.com/FwX5v1fpil

— Ajay Devgn (@ajaydevgn) February 17, 2022

अजयने ‘दृश्यम 2’ च्या सेटवरील एक स्टिल फोटो शेअर केला आहे. यात तो  श्रिया  सरन (Shriya Saran)आणि दिग्दर्शक अभिषेक पाठक  यांच्यासोबत एका दृश्यावर चर्चा करताना दिसतोय. मुंबईत सिनेमाचं शूटींग सुरू झालं असून लवकरच गोव्यात पुढचं शूटींग होणार आहे. ‘विजय पुन्हा एकदा त्याच्या कुटुंबाचं रक्षण करू शकेल का?’, असं कॅप्शन देत अजयने हा फोटो शेअर केला आहे.
‘दृश्यम 2’मध्ये अजय विजयची भूमिका साकारणार असून श्रिया त्याची पत्नी नंदिनीची भूमिका साकारणार आहे. तब्बूही या चित्रपटात आहे. 

काही दिवसांपूर्वीच मूळ मल्याळी भाषेतील ‘दृश्यम 2’ हा चित्रपट प्रदर्शित झाला होता. या चित्रपटाला मिळणारी दाद पाहता हिंदीतही ‘दृश्यम 2’ची घोषणा झाली होती. पहिला भाग ज्या ठिकाणी संपतो, त्याच्या सहा वर्षांनंतरची कथा या दुसºया भागात दाखवण्यात येणार आहे.