Dunki Movie : परदेशात २२ डिसेंबरला नाही तर या दिवशी रिलीज होणार शाहरुख खानचा 'डंकी'

Dunki Movie : शाहरुख खानचा आगामी चित्रपट डंकीची चाहते उत्सुकतेने वाट पाहत आहेत. हा चित्रपट ख्रिसमसला रिलीज होणार आहे.

बॉक्स ऑफिसवर शाहरुख खान(Shah Rukh Khan)चा दबदबा कायम आहे. त्याचा नुकताच प्रदर्शित झालेला जवान (Jawan) हा चित्रपट बॉक्स ऑफिसवर धुमाकूळ घालत आहे. हे वर्ष फक्त शाहरुख खानच्या नावावर असणार आहे. वर्षाच्या सुरुवातीला पठाण आला, नंतर जवान आणि वर्षाखेरीस डंकी येतोय. शाहरुख आणि राजकुमार हिरानी यांचा डंकी हा चित्रपट ख्रिसमसच्या आठवड्यात रिलीज होण्याच्या तयारीत आहे. चित्रपटाच्या एडिटिंगचे काम सुरू आहे. हा चित्रपट २२ डिसेंबरला भारतात प्रदर्शित होणार आहे पण निर्मात्यांनी तो दुसऱ्या दिवशी परदेशात प्रदर्शित करण्याची योजना आखली आहे.

शाहरुख खान आणि तापसी पन्नूची जोडी डंकीमध्ये दिसणार आहे. ही जोडी चाहत्यांना पहिल्यांदाच मोठ्या पडद्यावर पाहायला मिळणार आहे. तसेच या चित्रपटात विकी कौशलचीही महत्त्वाची भूमिका आहे. राजकुमार हिरानी यांच्या दिग्दर्शनाखाली बनलेल्या या चित्रपटाची चाहते आतुरतेने वाट पाहत आहेत. त्याची केवळ भारतातच नव्हे तर परदेशातही प्रतीक्षा केली जात आहे.

डंकी परदेशात कधी होणार रिलीज?
पिंकविलाच्या रिपोर्टनुसार, डंकी जागतिक स्तरावर हिट होण्याची अपेक्षा आहे आणि सर्व भागधारकांना भारतीय सिनेमाच्या वतीने तो जागतिक हिट बनवायचा आहे. जवानच्या प्रमोशनवेळी दक्षिणेकडील बिझनेसवर लक्ष केंद्रित केले गेले होते, परंतु निर्मात्यांनी डंकीसाठी मोठी योजना आखली असून २१ डिसेंबर रोजी आंतरराष्ट्रीय बाजारात रिलीज करण्याची योजना आखली आहे. हॉलिवूडमुळे चित्रपटाला फायदा होणार आहे.

फुल डे असणार शो
सूत्रानुसार, २१ डिसेंबरला डंकी पूर्णपणे परदेशात रिलीज करण्यात येणार आहे. चित्रपटाचे फक्त रात्रीचे प्रीमियर शो नसून पूर्ण दिवसाचे शो असतील. लोकांची प्रतिक्रिया ऐकून वीकेंडला जास्तीत जास्त लोक चित्रपट पाहायला जावेत म्हणून ही कल्पना आणली आहे. शाहरुख खान हे आंतरराष्ट्रीय पट्ट्यातील एक मोठे नाव असून हॉलिडेच्या मदतीने ख्रिसमसच्या सुट्टीच्या अवघ्या चार दिवसांत 'डंकी' खूप मोठे कलेक्शन करेल.

सालारशी डंकीची होणार टक्कर
प्रभासचा सालार हा चित्रपटही ख्रिसमसच्या मुहूर्तावर प्रदर्शित होणार आहे. आता डंकी आणि सालार यांच्यात टक्कर होणार आहे. आता कोणता चित्रपट मागेपुढे रिलीज करणार हे पाहावे लागेल. कारण या संघर्षामुळे दोन्ही चित्रपटांचे नुकसान होणार आहे.