इमरान हाशमीने चक्क भावाच्या बायकोसोबत दिले होते बोल्ड सीन; तुम्हाला आठवतोय का त्याचा 'हा' सिनेमा

Emraan hashmi: किसिंग सीन आणि बोल्ड सीन यांमुळे चर्चेत येणाऱ्या इमरान याने चक्क त्याच्या वहिनीसोबत ऑनस्क्रीन बोल्ड सीन दिले आहेत.

बॉलिवूड अभिनेता इमरान हाशमी (Emraan Hashmi) याचं नाव जरी घेतलं तरी प्रत्येकाच्या डोळ्यासमोर मर्डर हाच सिनेमा येतो. २००४ साली प्रदर्शित झालेल्या या सिनेमामध्ये इमरानने मल्लिका शेरावतसोबत अनेक बोल्ड सीन दिले होते. इतकंच नाही तर इमरानने अनेक अभिनेत्रींसोबत किसिंग सीन दिले आहेत. त्यामुळे त्याला सिरीअल किसर असंही म्हटलं जातं. किसिंग सीन आणि बोल्ड सीन यांमुळे चर्चेत येणाऱ्या इमरान याने चक्क त्याच्या वहिनीसोबत ऑनस्क्रीन बोल्ड सीन दिले आहेत. विशेष म्हणजे त्याचा हा सिनेमा प्रचंड हिट झाला होता.

२००६ साली प्रदर्शित झालेला 'अक्सर' हा सिनेमा बॉक्स ऑफिसवर बराच गाजला होता. या सिनेमामध्ये इमरान हाशमी आणि उदिता गोस्वामी यांची मुख्य भूमिका होती. या सिनेमामध्ये अनेक बोल्ड सीनचा भरणा करण्यात आला होता. विशेष म्हणजे इमरानने ज्या उदितासोबत बोल्ड सीन दिले ती खऱ्या आयुष्यात त्याची वहिनी आहे.

उदिता गोस्वामी ही चित्रपट दिग्दर्शक मोहित सुरी याची पत्नी आहे. २०१३ मध्ये उदिता आणि मोहित यांनी लग्न केलं. मोहित आणि इमरान हे एकमेकांचे चुलत भाऊ आहेत. अक्सर रिलीज झाल्यानंर बऱ्याच वर्षांनी मोहित आणि उदिता यांनी लग्न केलं. लग्नानंतर उदिता रुपेरी पडद्यापासून दूर गेली.

दरम्यान, अनंत महादेवन दिग्दर्शित अक्सर या सिनेमात इमरान आणि उदितासोबतच डिनो मोरिया, रजत बेदी, तारा शर्मा हे महत्त्वाच्या भूमिकेत झळकले होते.  विशेष म्हणजे ५ कोटींच्या बजेटमध्ये तयार झालेल्या या सिनेमाने १२ कोटींची कमाई केली होती.