Shahrukh Khan Wealth:रियल लाइफमध्येही किंग आहे बॉलिवूडचा बादशाह शाहरुख खान, एवढी आहे संपत्ती, पाहून विस्फारतील डोळे

Shahrukh Khan Wealth: शाहरुख खान हा केवळ रियल लाइफमध्येही किंग नाही तर रिल लाइफमध्येही तो किंग आहे. आज त्याच्या जन्मदिनी त्याची संपत्ती किती आहेत, त्याच्याकडे किती बंगले आहेत आणि त्याच्याकडे किती गाड्या आहेत, याचा घेतलेला हा आढावा.

मुंबई - बॉलिवुडचा बादशाह असलेल्या शाहरुख खानचा आज वाढदिवस आहे. कोलकाता नाईटरायडर्स संघाचा मालक असलेल्या शाहरुखचं क्रिकेटशीही जवळचं नातं आहे. शाहरुख खान हा केवळ रियल लाइफमध्येही किंग नाही तर रिल लाइफमध्येही तो किंग आहे. आज त्याच्या जन्मदिनी त्याची संपत्ती किती आहेत, त्याच्याकडे किती बंगले आहेत आणि त्याच्याकडे किती गाड्या आहेत, याचा घेतलेला हा आढावा.

शाहरुख खान हा दिल्लीमधून मुंबईत मोठं स्वप्न घेऊन आला होता. आज त्याला मुंबईच नाही तर संपूर्ण जग ओळखते. शाहरुख खानच्या घराचं नाव मन्नत असं आहे. या घराबाहेर दररोज शेकडो फॅन येतात आणि फोटो काढतात. आपल्या फॅनच्या मनावर अधिराज्य गाजवणाऱ्या शाहरुख खानच्या या घराची किंमत २०० कोटींहून अधिक आहे. हे घर समुद्र किनारी वसलेलं आहे. शाहरुख खानची दरमहा कमाई तब्बल १२ कोटी एवढी आहे. काही रिपोर्ट्सनुसार शाहरुख खानची एकूण संपत्ती पाच हजार कोटींहून अधिक आहे.

शाहरुख खान आयपीएलमधील कोलकाता नाईटरायडर्स संघाचा मालक आहे. तसेच तो आपल्या संघाला सपोर्ट करण्यासाठी स्टेडियममध्ये येत असतो. तर सीपीएलमध्येही त्याच्या मालकीचा एक संघ आहे. त्याशिवाय तो लॉस एंजलिस नाईटरायडर्स आणि अबू धाबी नाईटरायडर्स संघांचाही मालक आहे. म्हणजेच क्रीडाजगतामध्ये त्याचं भक्कम बस्तान बसलेलं आहे.

शाहरुख खानला उंची गाड्यांचा शौक आहे. त्याच्याजवळ अनेक लक्झरी गाड्या आहेत. त्याच्याजवळ ज्या गाड्या आहेत, त्यामधील बहुतांश गाड्यांचा नंबर हा ५५५ आहे. शाहरूख या नंबरला लकी मानतो. शाहरुख खानकडे Rolls Royce Phantom सोबतच BMW i8, Land Range Rover Sport कार सुद्धा आहे. याशिवाय Mercedes Benz S Class इतरही उंची गाड्या शाहरुख खानच्या ताफ्यात आहेत.