तू खूप मोठी चूक केली, आता भोगशील...! ‘द फॅमिली मॅन 2’चा ट्रेलर पाहून सामंथावर संतापले युजर्स

The Family Man 2 : ट्रेलर रिलीज होताच ‘द फॅमिली मॅन 2’ने ओढवून घेतला वाद, वाचा काय आहे कारण

ठळक मुद्देसामंथाने ‘द फॅमिली मॅन 2’मध्ये राजीची व्यक्तिरेखा साकारली आहे. मनोज वाजपेयी या सीरिजमध्ये मुख्य भूमिकेत आहे.

अभिनेता मनोज वाजपेयीच्या (Manoj Bajpayee) ‘द फॅमिली मॅन’चा पहिला सीजन तुफान गाजला होता. आता या वेबसीरिजचा दुसरा सीझन अर्थात ‘द फॅमिली मॅन 2’ (The Family Man 2)  प्रेक्षकांच्या भेटीस येतोय. आज या वेबसीरिजचा ट्रेलर प्रदर्शित झाला आणि ट्रेलर पाहून चाहते अगदी भारावले. पण ट्रेलरसोबतच या वेबसीरिजने एक वादही ओढवून घेतला. सोशल मीडियावर याचे पडसाद उमटले आणि क्षणात #FamilyMan2_against_Tamils हा हॅशटॅग ट्विटरवर ट्रेंड होऊ लागला.

काय आहे वादाचे कारण
दक्षिण भारताच्या पार्श्वभूमीवर ‘द फॅमिली मॅन 2’ ची कथा रचली गेली आहे आणि तूर्तास दक्षिण भारतातील लोक ‘द फॅमिली मॅन 2’चा ट्रेलर पाहून संतापले आहेत. सीरिजमध्ये श्रीलंकेत आपल्या हिताची लढाई लढणा-या तामिळ बंडखोरांचा संबंध ‘आयएसआयएस’ या अतिरेकी संघटनेशी जोडला गेल्याचा दावा अनेक लोकांनी केला असून सोशल मीडियावर अनेकांनी याबद्दलचा संताप व्यक्त केला आहे. ‘द फॅमिली मॅन 2’ तामिळविरोधी आहे, तामळींना अतिरेक्यांसारखे दाखवण्यात आले आहे, अशा आरोप अनेकांनी केला आहे.  विशेष म्हणजे, या पार्श्वभूमीवर अनेकांनी साऊथची सुपरस्टार सामंथा अक्कीनेनीला ( Samantha Akkineni) तामिळ फिल्म इंडस्ट्रीतून हद्दपार करण्याचा इशाराही दिला आहे.

Your movies will not be released in Tamil Nadu anymore!#FamilyMan2_against_Tamils#GetoutSamantha@Samanthaprabhu2@TamilCineXpress@kalaikugan1@InsolKeechanpic.twitter.com/EDHffMZ39D

— பாலா நாம் தமிழர் (@balantk98) May 19, 2021

यानंतर तुझा एकही सिनेमा तामिळनाडूत रिलीज होऊ देणार नाही, असे एका युजरने लिहिले आहे. सामंथा तू तुझ्या करिअरमधील खूप मोठी चूक केलीस, याचे परिणाम तुला भोगावे लागतील, असे अन्य एका युजरने लिहिले आहे.

all tamil peoples please unsubscribe to @PrimeVideoIN

The movie (the family man season 2) against for tamil eelam#FamilyMan2_against_Tamils@Samanthaprabhu2@PrimeVideopic.twitter.com/G29rK5NQJB

— இளம்பரிதி (@elamparithi555) May 19, 2021

Samantha has done a biggest mistake in her career. #FamilyMan2_against_Tamils

— கார்த்திகேயன் (@Navan63441302) May 19, 2021

It's strategically planned genocide on Tamils.
History cannot be erased or eclipsed or changed. #FamilyMan2_against_Tamilspic.twitter.com/fdn6bMIDkD

— வேளாண் பெருங்குடி (@Dirdinesh1498) May 19, 2021

सामंथाने ‘द फॅमिली मॅन 2’मध्ये राजीची व्यक्तिरेखा साकारली आहे. मनोज वाजपेयी या सीरिजमध्ये मुख्य भूमिकेत आहे.

 कसा आहे ट्रेलर

‘द फॅमिली मॅन 2’चा ट्रेलर जबरदस्त आहे. 2 मिनिटे 49 सेकंदाच्या या ट्रेलरमध्ये मनोज वाजपेयीने साकारलेल्या श्रीकांत तिवारीची कथा दिसते. या सीझनमध्ये श्रीकांत तिवारी नवीन, शक्तिशाली व क्रूर प्रतिस्पर्धी राजीचा सामना करणार आहे. विशेष म्हणजे, साऊथ स्टार सामंथा अक्किनेनी हिने यात राजीची भूमिका साकारली आहे. एक फॅमिली मॅन व जागतिक दजार्चा गुप्तचर अशा दुहेरी भुमिकेत मनोज वाजपेयीला पाहणे चाहत्यांसाठी एक ट्रीट असणार आहे.
‘द फॅमिली मॅन 2’ ही सीरिज 12 फेब्रुवारी 2021 रोजी अ‍ॅमेझॉन प्राइमवर या ओटीटी प्लॅटफॉर्मवर प्रदर्शित होणार होती. पण करोनामुळे उद्भवलेल्या परिस्थितीमुळे प्रदर्शनाची तारीख पुढे ढकलण्यात आली होती.  या सीरिजच्या माध्यमातून दाक्षिणात्य अभिनेत्री समंथा अक्किनेनी हिंदी चित्रपटसृष्टीमध्ये पदार्पण करणार आहे. मनोज वाजपेयी आणि समंथासोबत प्रियामणि, शारिब हाशमी, सीमा बिस्वा, दर्शन कुमार, शरद केळकर, सनी हिंदुजा, श्रेया धन्वंतरी, शहाब अली, वेदांत सिन्हा आणि महक ठाकूर हे कलाकार महत्वपूर्ण भूमिकेत झळकणार आहेत.