​अखेर कॅटरिना कैफने बहिणीला मिळवून दिला चित्रपट ! या’ चित्रपटातून बॉलिवूड डेब्यू करणार इसाबेल!!

क�

��टरिना कैफचे प्रयत्न अखेर फळास आले, असे म्हणायला हरकत नाही. होय, शेवटी बहीण इसाबेल हिला बॉलिवूडमध्ये काम मिळावे म्हणून कॅटरिनाचे काय काय प्रयत्न सुरू होते. सलमान खानची मनधरणी करण्यापासून तर इसाबेलला काही मोठ्या ब्रॅण्डच्या जाहिरातील मिळवून देण्यापर्यंत असे काय काय कॅटने केले. बहिणीला घेऊन ती बॉलिवूड पार्ट्यांमध्येही गेली. शेवटी यश आलेच. खबर खरी मानाल तर इसाबेलला तिचा पहिला डेब्यू सिनेमा मिळाला आहे. होय, ‘टाईम टू डान्स’ असे या चित्रपटाचे नाव असल्याचे कळतेय. कोरिओग्राफर रेमो डिसूजाचा अस्टिस्टंट डायरेक्टर स्टॅनले डिकोस्टा हा या चित्रपटाद्वारे दिग्दर्शन क्षेत्रात पाऊल ठेवणार आहे. म्हणजेच स्टॅनले हा चित्रपट दिग्दर्शित करणार आहे. या चित्रपटात इसाबेल लीड रोलमध्ये असल्याचे समजतेय. आता इसाबेलचा हिरो कोण असणार, हेही तुम्हाला जाणून घ्यायचे असणार, तर सूरज पांचोली यात इसाबेलचा हिरो असेल, असे तूर्तास कानावर येतेय. २०१५ मध्ये ‘हिरो’ या चित्रपटादरे सूरजने बॉलिवूड डेब्यू केला होता.   ‘टाईम टू डान्स’ हा चित्रपट एक डान्सवर आधारित चित्रपट आहे. सूत्रांनी दिलेल्या माहितीनुसार, सूरज व इसाबेलने या चित्रपटासाठी तयारीही सुरू केली आहे. येत्या मे महिन्यात या चित्रपटाचे शूटींग सुरू होण्याची शक्यता आहे. 

ALSO READ : ​ कॅटची बहिण इसाबेल कैफने केले असे काम की श्रद्धा कपूरचा झाला तिळपापड!

इसाबेल बॉलिवूडमध्ये येण्यास दीर्घकाळापासून उत्सूक आहे. चार वर्षांपूर्वीही तिने बॉलिवूडमध्ये येण्याचा एक प्रयत्न करून पाहिला होता. त्यावेळी तिच्या वाट्याला अपयश आले होते. पण आता मात्र सलमानच्या पुण्याईने म्हणा वा बहिणीच्या प्रयत्नांनी इसाबेलला तिचा पहिला प्रोजेक्ट मिळाला आहे. या पहिल्या प्रोजेक्टमध्ये इसाबेल किती यशस्वी ठरते आणि बहिणीला किती मात देते, तेच केवळ बघायचेय. शिवाय इसाबेल व सूरजची जोडी प्रेक्षकांना किती भावते, तेही पाहायचे आहे.
सध्या इसाबेल काही ब्रॅण्ड प्रमोट करताना दिसतेय. नुकतेच तिने एका आयमेकअप ब्रॅण्डची जाहिरात श्रद्धा कपूरकडून खेचून घेतलीय. त्याआधी एक कॉस्मेटिक ब्रॅण्डच्या जाहिरातीत इसाबेल दिसलीय.