​‘फुकरे रिटर्न्स’चे पहिले गाणे आऊट; धम्माल नाचली ‘फुकरे गँग’ !

च�

��र वर्षांपूर्वी म्हणजेच २०१३ मध्ये  आलेल्या ‘फुकरे’ या चित्रपटाचा ‘फुकरे रिटर्न्स’सीक्वल येतोय, हे तुम्हाला ठाऊक आहेच. काल-परवाच या चित्रपटाचा खळखळून हसवणारा ट्रेलर आपण पाहिलातं. आता या चित्रपटाचे पहिले गाणेही रिलीज झाले आहे. ‘ओ मेरी मेहबूबा...’ असे या गाण्याचे शब्द आहेत. आता हे गाणे ‘ओ मेरी मेहबूबा’ या जुन्या गाण्याचे रिक्रिएटेड व्हर्जन आहे, हे तुम्हाला कळले असेलच. ‘धरमवीर’ चित्रपटातील ‘ओ मेरी मेहबुबा’ हे गाणे धर्मेन्द्र व जीनत अमान यांच्यावर चित्रीत करण्यात आले होते. हे गाणे आजही लोकांच्या प्ले- लिस्टचा भाग आहे. आता या गाण्याच्या नव्या व्हर्जनवर रिचा चड्ढ आणि संपूर्ण ‘फुकरे गँग’ थिरकताना आपण पाहू शकणार आहोत.



ALSO READ: पुन्हा परतली ‘फुकरे’ गँग...पाहा, ‘फुकरे रिटर्न्स’चा ट्रेलर!!

‘फुकरे रिटर्न्स’चे प्रोड्यूसर रितेश साधवानी यांना संगीतकार हरदीप यांनी या गाण्याची कल्पना पाठवली होती. साधवानी यांना कल्पना आवडली आणि हे गाणे चित्रपटात समाविष्ट झाले. या गाण्याला नेहा कक्कर, यासिर देसाई यांनी आवाज दिलायं. तर प्रेम आणि हरदीप यांनी संगीतबद्ध केले आहे.  रॅपर रफ्तारने या गाण्याला आपला एक वेगळाच टच दिला आहे.   ‘फुकरे रिटर्न्स’मध्ये हनी(पुलकीत सम्राट), चूचा (वरुण शर्मा), लाली (मनजोत सिंग) आणि जफर (अली फजल)अशी सगळी गँग पुन्हा एकदा प्रेक्षकांच्या भेटीस येत आहे. रतेश सिधवानी आणि फरहान अख्तर यांची निर्मिती असलेला हा चित्रपट येत्या डिसेंबरमध्ये प्रेक्षकांच्या भेटीला येणार आहे. 
‘फुकरे’ बॉक्सआॅफिसवर हिट ठरला होता. एकही मोठा स्टार नसताना या चित्रपटाने बॉक्सआॅफिसवर ५० कोटींची कमाई केली होती.   या चित्रपटाचा पहिला भाग प्रचंड लोकप्रीय ठरला होता. आता चित्रपटाचा दुसरा भाग अर्थात ‘फुकरे रिटर्न’ प्रेक्षकांच्या किती पसंतीत पडेल, हे लवकरच दिसेल. तोपर्यंत हे गाणे तुम्ही बघायलाच हवे आणि केवळ बघायलाच नको तर ते कसे वाटले, हेही आम्हाला कळवायला हवे.