Gadar 2 : सनी देओलच्या ‘गदर २’चं बॉक्स ऑफिस कलेक्शन पाहून भाईजान थक्क, म्हणाला, “ढाई किलो का हाथ...”

सनी देओलच्या 'गदर २'साठी सलमान खानची खास पोस्ट, म्हणाला...

बहुचर्चित आणि बहुप्रतीक्षीत ‘गदर २’ या सिनेमा अखेर शुक्रवारी (११ ऑगस्ट) सर्वत्र प्रदर्शित झाला. २००१ साली प्रदर्शित झालेल्या गदर या चित्रपटाने प्रेक्षकांना अक्षरश: वेड लावलं होतं. तब्बल २२ वर्षांनी आलेल्या गदर २बाबत प्रेक्षकांमध्ये उत्सुकता होती. ‘गदर २’ प्रदर्शित होण्याआधीच या चित्रपटाची तब्बल एक लाखांहून अधिक तिकिटे अडव्हान्स बुकिंगच्या माध्यमातून विकली गेली होती. त्यामुळे पहिल्याच दिवशी या चित्रपटाने बॉक्स ऑफिसवर दमदार कमाई केली आहे.

‘गदर २’ ने प्रदर्शनाच्या दिवशी बॉक्स ऑफिसवर तब्बल ४० ते ४५ कोटींचा गल्ला जमवला आहे. सनी देओलच्या ‘गदर २’चं पहिल्या दिवसाचं बॉक्स ऑफिस कलेक्शन पाहून सलमान खानही भारावून गेला आहे. सलमानने ‘गदर २’ चित्रपटासाठी इन्स्टाग्रामवर खास पोस्ट शेअर केली आहे. ‘गदर २’ चित्रपटाचं पोस्टर भाईजानने शेअर केलं आहे. “ढाई किलो का हाथ म्हणजे चाळीस कोटींची ओपनिंग. सनी पाजी आणि गदर २च्या संपूर्ण टीमला शुभेच्छा,” असं कॅप्शन सलमानने दिलं आहे.

“चांद्रयान ३ ने टिपलेले चंद्राचे काही फोटो”, मुंबई-गोवा महामार्गाचे फोटो शेअर करत हेमंत ढोमेचं ट्वीट

सनी देओलचा ‘गदर २’ पाहून चाहते नाराज, म्हणाले, “दिग्दर्शकाच्या मुलाला लॉन्च करण्यासाठी...”

‘गदर २’ चित्रपटात सनी देओल आणि अमीषा पटेल यांच्या मुख्य भूमिका आहेत. अभिनेता उत्कर्ष शर्माने चित्रपटात तारा सिंहच्या मुलाची भूमिका साकारली आहे. या चित्रपटातील गाण्यांनाही प्रेक्षकांकडून चांगला प्रतिसाद मिळत आहे. ‘गदर २’ ला बॉक्स ऑफिसवर अक्षय कुमारच्या ‘ओएमजी २’ (OMG 2) या चित्रपटाची तगडी टक्कर मिळत आहे. त्यामुळे आता पहिल्या वीकेण्डला हा चित्रपट किती कमाई करणार याबाबत सगळ्यांना उत्सुकता आहे.