तब्बल ४०० मुलींच्या ऑडिशनमधून झाली निवड अन्...; रातोरात फळफळलं देशमुखांच्या सूनबाईचं नशीब

साऊथ चित्रपटातून आपल्या अभिनयाची सुरुवात करणारी अभिनेत्री जिनिलिया देशमुख (Genelia Deshmukh) आता महाराष्ट्राच्या वहिनीसाहेब म्हणून ओळखली जाते. अभिनेता रितेश देखमुखसोबत (Riteish Deshmukh) लग्न झालं आणि जिनिलियाने स्वत:ला संसारात, मुलांच्या संगोपनात झोकून दिलं. पण तिने कमबॅक केल. वेड या मराठी सिनेमात ती झळकली आणि या सिनेमातील तिच्या अदाकारीचं प्रचंड कौतुक झालं. आज जिनिलिया तिचा वाढदिवस साजरा करते आहे. 

जेनेलियाने २०१२ साली रितेशी लग्न केलं. लग्नाआधी दोघेही एकमेकांना बराच काळ डेट करत होते. जेनेलियाच्या करिअरची सुरुवात 2003 मध्ये 'तुझे मेरी कसम' चित्रपटाने झाली. या चित्रपटात तिच्यासोबत रितेश देशमुख दिसला होता. इतकेच नाही तर जेनेलिया डिसूझाने तिच्या करिअरमध्ये तेलुगू, तमिळ, कन्नड आणि मल्याळम चित्रपटांमध्येही काम केले आहे. आपल्या अभिनय कारकिर्दीत तिने 30 हून अधिक चित्रपटांमध्ये काम केले आहे.

जेनेलियाने तिच्या एका मुलाखतीत सांगितले होते की, तिला 'जाने तू... या जाने ना...' या चित्रपटाची ऑफर खूप आधी मिळाली होती. पण त्याचा उपयोग झाला नाही. त्यानंतर सुमारे दीड वर्षांनी ही ऑफर पुन्हा त्याच्याकडे आली. त्यापूर्वी या चित्रपटासाठी 300-400 मुलींचं ऑडिशन घेण्यात आले होते. जेव्हा चर्चा झाली नाही, तेव्हा अभिनेत्रीची स्क्रीन टेस्ट पाहिली आणि तिला या चित्रपटातील अदितीच्या भूमिकेसाठी फायनल करण्यात आले. या चित्रपटात इम्रान खान आणि जेनेलियाची जोडी चांगलीच पसंतीस उतरली होती.

जिनिलिया लवकरच दिग्दर्शक मानव कौल यांच्या नवीन चित्रपटात दिसणार आहे. चित्रपटाचं नाव तिने गुलदस्त्यात ठेवलं आहे. पण या आगामी सिनेमातील भूमिकेबाबत मात्र तिने सांगितलं आहे. या चित्रपटात जिनिलिया सिंगल मदरची भूमिका साकारताना दिसणार आहे. याशिवाय एका दाक्षिणात्य चित्रपटातही ती झळकणार आहे.