अभिनेता गोविंदाच्या पायाला लागली गोळी, स्वत:च्याच बंदुकीतून झालं मिसफायर; रुग्णालयात दाखल

गोविदाला तातडीने रुग्णालयात दाखल करण्यात आले आहे.

अभिनेता गोविंदाच्या (Govinda)  पायाला गंभीर दुखापत झाली आहे. स्वत:च्याच लायसन्स बंदूकीतून त्याला गोळी लागली आहे. आज पहाटे पावणे पाचच्या सुमारास ही दुर्घटना घडली. पहाटेच तो कामानिमित्त बाहेर जाण्यासाठी निघाला. मात्र तेव्हाच रिव्हॉल्वरचे लॉक खुलं असल्याने चुकून गोळी लागली. त्याला तातडीने अंधेरीतील क्रिटिकेअर रुग्णालयात दाखल करण्यात आले असून त्याच्यावर उपचार सुरु आहेत.

गोविंदाच्या मॅनेजरने एएनआयला दिलेल्या माहितीनुसार,  गोविंदा पहाटेच एका कार्यक्रमासाठी कोलकत्याला जाणार होता.  तयार होत असताना त्याने त्याची लायसन्स रिव्हॉल्व्हर कपाटात ठेवण्यासाठी हातात घेतली. मात्र ती चुकून हातातून खाली पडली.  रिव्हॉल्वरचं लॉक खुलं राहिल्याने त्याच्या पायाला गोळी लागली. त्याला लगेच जवळच्या रुग्णालयात दाखल करण्यात आले. सध्या त्याचे कुटुंबीय रुग्णालयात आहेत. डॉक्टरांनी गोळी काढली असून आता तो सुखरुप आहे, काळजी करण्याचं कारण नाही अशी माहिती समोर आली आहे. सध्या तो रुग्णालयातच उपचार घेत आहे.

#UPDATE | Actor and Shiv Sena leader Govinda was getting ready to leave for Kolkata. He was keeping his licensed revolver in the cupboard when it fell from his hand and a bullet got fired which hit his leg. The doctor has removed the bullet and his condition is fine. He is in the… https://t.co/iBtEcngdoA

— ANI (@ANI) October 1, 2024