गोविंदा करतोय नव्या पिढीसोबत काम

ग�

��विंदाच्या फॅन्ससाठी आमच्याकडे एक खूशखबर आहे.गोविंदा लवकरच कमबॅक करण्यास सज्ज झाला आहे. नुकतेच गोविंदाने त्यांच्या आगामी चित्रपट फ्राय-डेच्या शूटिंगला सुरुवात केली आहे. तसेच आपल्या इन्स्टाग्राम अकाऊंटवर त्यांने एक फोटोदेखील शेअर केला आहे. या फोटोत त्याच्यासोबत त्याचे सहकलाकारसुद्धा दिसतायेत. वरुण शर्मा आणि दिग्दर्शक अभिषेक डोगरा या फोटोत गोविंदासोबत आहेत.  



या फोटोसोबत गोविंदाने एक कॅप्शन सुद्धा लिहिले आहे, नव्या पिढीच्या निर्मात्या, दिग्दर्शक आणि तंत्रज्ञानसोबत काम करण्याचा अनुभव मस्त असतो. या चित्रपटात गोविंदासोबत काम करणारा अभिनेता वरुण शर्मानेदेखील आपल्या अनुभव सोशल मीडियावर शेअर केला आहे. गोविंदा सरांसोबत स्क्रिन शेअर करताना फार भारी वाटते आहे.   
वरुण शर्मा दुसऱ्यांदा अभिषेक डोगरासोबत काम करतो आहे. याआधी 2015 मध्ये आलेल्या डॉली कि डोलीमध्ये त्यांना काम केले होते. यात चित्रपटात सोनम कपूर,पुलकित सम्राट, मोहम्मद जीशान अयूब आणि राजकुमार राव हे कलाकारसुद्धा होते. 

गोविंदाने  ‘आ गया हिरो’ चित्रपटातून बॉलिवूडमध्ये कमबॅक करण्याचा प्रयत्न केला होता. चित्रपटाचे दिग्दर्शन आणि लेखन गोविंदानेच केले होते. मात्र हा चित्रपट बॉक्स आॅफिसवर  अतिशय वाईट पद्धतीने फ्लॉप ठरला. त्यानंतर पुन्हा एकदा पदार्पण करण्यास सज्ज झाला आहे. जग्गा जासूसमध्ये गोविंदाचा कॅमिओ होता मात्र अनुराग बासूने तो कट केला होता. त्यानंतर अनुराग आणि रणबीरवर गोविंदा चांगलाच संतापला होता. गोविंदाने 90 च्या दशकात बॉलिवूडला अनेक हिट चित्रपट दिले आहेत. गोविंदाने इल्जाम चित्रपटातून बॉलिवूडमध्ये पदार्पण केले होते. आँटि नं 1 मधील त्याची भूमिका प्रचंड गाजली होती. आतापर्यंत त्यांने 100 हुन अधिक चित्रपटात काम केले आहे.  एका इंटरव्ह्रु दरम्यान गोविंदा म्हणाला होता की, तुमच्या आयुष्याची सुरूवात झीरोने होते तर प्रत्येक मनुष्य त्याच्या आयुष्यात हिरो असतो. बऱ्याच वेळा तो शून्यात जातो, परंतु पुन्हा उभे राहतो. आयुष्य हे कष्ट करणाऱ्यांचे आहे.