‘जग्गा जासूस’मध्ये गोविंदा योगी बाबाच्या भूमिकेत!

अभिनेता रणबीर कपूर आणि कॅटरिना कैफ यांचा ‘जग्गा जासूस’ हा चित्रपट येत्या १४ जुलै रोजी रिलीज होणार आहे. दिग्दर्शक ...

अ�

��िनेता रणबीर कपूर आणि कॅटरिना कैफ यांचा ‘जग्गा जासूस’ हा चित्रपट येत्या १४ जुलै रोजी रिलीज होणार आहे. दिग्दर्शक अनुराग बसू यांचा हा चित्रपट अशा दोन गुप्तहेरांवर आधारित आहे, जे आपल्या हरवलेल्या वडिलांचा शोध घेत असतात. हा चित्रपट गेल्या चार वर्षांपासून तयार आहे, परंतु कुठल्या ना कुठल्या कारणाने रिलीजमध्ये अडथळे येत गेले. त्यामुळेच या चित्रपटातील रणबीर आणि कॅटची नावे वगळता इतर कुठल्याही कलाकारांची नावे समोर आली नाहीत. आज आम्ही चित्रपटातील तिसºया आणि महत्त्वाच्या कलाकाराचे नाव तुम्हाला सांगणार आहोत. हे नाव म्हणजे अभिनेता गोविंदा होय. 

चित्रपटात गोविंदा एका योगी बाबाची भूमिका साकारणार आहे. हा योगी बाबा रणबीर आणि कॅटला त्यांच्या पित्याचा शोध घेण्यास मदत करतो. सध्या गोविंदाचा चित्रपटातील लुक समोर आला असून, सोशल मीडियावर मोठ्या प्रमाणात व्हायरल होत आहे. गोविंदाने या चित्रपटाशी शूटिंग २०१५ मध्येच पूर्ण केली होती. चित्रपटात त्याचे केवळ पाचच सीन आहेत. मात्र ते सर्व सीन दमदार असल्याने तो अखेरपर्यंत प्रेक्षकांच्या स्मरणात राहणार आहे. 

मध्यंतरीच्या काळात अशीही अफवा पसरली होती की, महानायक अमिताभ बच्चन यांना गोविंदाच्या जागी रिप्लेस करण्यात आले आहे. मात्र एका मुलाखतीत गोविंदाने या अफवाचे खंडण केले होते. गोविंदाने म्हटले होते की, ‘चित्रपटातील माझ्या वाट्याचे काम मी पूर्ण केले आहे. मात्र प्रमोशनप्रसंगी मी या चित्रपटाचा भाग राहू शकणार नाही. मी निर्मात्यांवर प्रचंड नाराज आहे, कारण माझ्या भूमिकेवरून पसरविल्या जात असलेल्या अफवांच्या त्यांच्याकडूनच खंडण होणे अपेक्षित होते. 

पुढे बोलताना गोविंदाने असेही म्हटले होते की, मला माहीत आहे की, निर्माते अशा प्रकारच्या कॉन्ट्रोव्हर्सीमध्ये फसू इच्छित नाहीत. मात्र याविषयी काही प्रतिक्रियाच दिली नाही, तर अफवांवर आळा कसा बसेल? मला अशा अफवांमध्ये काहीही स्वारस्य नाही, असेही गोविंदाने म्हटले होते. असो, सध्या सर्व काही क्लिअर झाले असून, गोविंदा या चित्रपटात झळकेल हे निश्चित. त्यामुळे गोविंदाच्या फॅन्ससाठी ही एक चांगली बातमीच म्हणावी लागेल.