​भाग्यश्री आणि सलमान खानच्या रणक्षेत्र या चित्रपटाविषयी तुम्ही ऐकले आहे का?

म�

��ंने प्यार किया या चित्रपटाच्या आधी सलमान खानने बिवी होतो ऐसी या चित्रपटात काम केले होते. या चित्रपटात रेखा, फारुक शेख, कादर खान, बिंदू यांसारखे दिग्गज कलाकार होते. या चित्रपटाने बॉक्स ऑफिसवर चांगलेच यश मिळवले होते. पण या चित्रपटातील सलमानच्या भूमिकेचे तितकेसे कौतुक झाले नाही. पण मैंने प्यार किया या चित्रपटाने त्याचे संपूर्ण करियरच बदलून टाकले असे म्हटले तर ते चुकीचे ठरणार नाही. हा चित्रपट सलमानच्या आयुष्यात सगळ्यात हिट चित्रपट ठरला. या चित्रपटाने सलमानला पैसा, प्रसिद्धी सगळे काही मिळवून दिले. या चित्रपटासाठी सलमानला सर्वोत्कृष्ट नवोदित अभिनेत्याच्या पुरस्काराने गौरवण्यात देखील आले होते. या चित्रपटात सलमानसोबत आपल्याला भाग्यश्री पाहायला मिळाली होती. भाग्यश्री आणि सलमानच्या केमिस्ट्री या चित्रपटानंतर चांगलीच चर्चा झाली होती. त्यामुळे या चित्रपटानंतर या दोघांनी पुन्हा एकदा एखाद्या चित्रपटात काम करावे असे या दोघांच्या फॅन्सना वाटत होते.
सलमान आणि भाग्यश्रीने एखादा चित्रपट केल्यास तो नक्कीच हिट ठरेल अशी सगळ्यांना खात्री होती. त्यामुळे अनेक दिग्दर्शक, निर्मात्यांनी देखील त्यांना चित्रपटात एकत्र काम कऱण्याची ऑफर दिली होती. सलमान आणि भाग्यश्रीने एक चित्रपट स्वीकारला देखील होता. पण काही कारणास्तव या चित्रपटाचे चित्रीकरण होऊ शकले नाही. मैंने प्यार किया या चित्रपटानंतर सलमान खान आणि भाग्यश्री प्रेक्षकांना रणक्षेत्र या चित्रपटात पाहायला मिळणार होते. या चित्रपटाची घोषणा देखील झाली होती. सलमान आणि भाग्यश्री पुन्हा चित्रपट करत असल्याने त्यांच्या चाहत्यांना देखील प्रचंड आनंद झाला होता. पण भाग्यश्रीने तिचा प्रियकर हिमालय दसानीसोबत अचानक लग्न करण्याचा निर्णय घेतला. त्यामुळे काही दिवसांसाठी हा प्रोजेक्ट निर्मात्यांनी पुढे ढकलला. पण लग्नानंतर भाग्यश्रीला या चित्रपटात तितकासा रस नसल्याने निर्मात्यांनी हा चित्रपट बनवण्याचेच रद्द केले. त्यामुळे प्रेक्षकांना सलमान खान आणि भाग्यश्रीची जोडी पुन्हा एकदा चित्रपटात पाहायला मिळाली नाही.

Also Read : सलमान खानच्या रोज नव्या अटींमुळे हैराण झालेत ‘रेस3’चे मेकर्स! बदलावी लागणार स्क्रिप्ट!!