रानू मंडलबाबत विचारताच हिमेश रेशमिया संतापला, दिली ही प्रतिक्रिया

रानू मंडलला बॉलिवूडमध्ये गाण्याची संधी हिमेश रेशमियाने दिली. हिमेशमुळेच रानू स्टार बनली.

ठळक मुद्देरानूबाबत हिमेश रेशमियाला एका पत्रकार परिषदेत विचारले असता हिमेश चांगलाच संतापला. तुम्ही मला का विचारता? मी तिचा मॅनेजर नाही असे सडेतोड उत्तर हिमेशने दिले.

एका व्हायरल व्हिडीओमुळे अचानक प्रसिद्धीच्या झोतात आलेली रानू मंडल गेल्या काही दिवसांपासून सतत चर्चेत आहे. अगदी अलीकडे एका चाहतीशी आणि मीडियाशी फटकून वागल्याने रानू चर्चेत आली होती. यानंतर तिच्या मेकओव्हरचा व्हिडीओ चर्चेत आला होता. मेकअपमधील रानूचा एक फोटो सोशल मीडियावर प्रचंड व्हायरल झाला होता आणि या मेकअपमुळे रानू ट्रोल झाली होती. 

Ranu powder , paye gora nikhar instantly         #ranumondal#RanuMandalpic.twitter.com/mLLGnVcTJT

— Divya badhautiya (@BadhutiyaDivya) November 16, 2019

 

रानूचा हा हेवी मेकअप केलेला फोटो एका ब्यूटी इव्हेंटमधील असल्याचे म्हटले जात होते. या फोटोमध्ये रानूने डिझायनर कपडे घातले होते. सोबत हेवी मेकअप, हेवी ज्वेलरी असा तिचा लूक होता. तिचा हा अवतार पाहून अनेकजण सोशल मीडियावर रानू मंडलची खिल्ली उडवली होती. विशेषत: ट्विटरवर तिच्या या लुकवर अनेक मीम्स शेअर केले गेले होते.

Pic1 is beauty, Pic2 is not. When this bollywood world will understand this. Tch! May be never. You can't ban Fair & Lovely's advertisement even. #RanuMandalpic.twitter.com/Q6qoEXF6ar

— VIJAY MORE (@VijayMore37) November 17, 2019

 

रानूला बॉलिवूडमध्ये गाण्याची संधी हिमेश रेशमियाने दिली. हिमेशमुळेच रानू स्टार बनली. पण रानूच्या डोक्यात आता प्रसिद्धीची हवा शिरली असल्याचे म्हटले जात आहे. तिला यावरून सोशल मीडियावर चांगलेच ट्रोल देखील करण्यात आले आहे. 

याच ट्रोलिंगबाबत नुकतेच हिमेश रेशमियाला एका पत्रकार परिषदेत विचारले असता हिमेश चांगलाच संतापला. त्याचे उत्तर ऐकून उपस्थितांना आश्चर्याचा धक्का बसला. तुम्ही मला का विचारता? मी तिचा मॅनेजर नाही असे सडेतोड उत्तर हिमेशने दिले. तसेच तिला हिमेशने लाँच केले असल्याबद्दल विचारले असता त्याने उत्तर दिले की, केवळ रानूलाच नव्हे तर पलक मुच्चाल, दर्शन, आर्यन यांना देखील मी लाँच केले आहे.