हिट चित्रपटानंतर पुन्हा एकत्र आल्या नाहीत ‘या’ जोड्या !
By ऑनलाइन लोकमत | Published: November 26, 2017 07:06 AM2017-11-26T07:06:52+5:302017-11-26T12:36:52+5:30
-रवींद्र मोरे सध्या बॉलिवूडमध्ये असे बघावयास मिळते की, ज्या जोडीने एखादा हिट चित्रपट दिला तर पुन्हा त्याच जोडीला घेऊन ...
.jpg "The hits are not back together after the hit movie! | हिट चित्रपटानंतर पुन्हा एकत्र आल्या नाहीत ‘या’ जोड्या !")
हिट चित्रपटानंतर पुन्हा एकत्र आल्या नाहीत ‘या’ जोड्या !
Next सध्या बॉलिवूडमध्ये असे बघावयास मिळते की, ज्या जोडीने एखादा हिट चित्रपट दिला तर पुन्हा त्याच जोडीला घेऊन नवीन चित्रपट बनविण्याचा विचार केला जातो. मात्र बॉलिवूडमध्ये अशाही अनेक जोड्या आहेत, ज्यांनी एकत्र पहिला हिट चित्रपट दिला, पण नंतर मात्र त्या जोड्या पुन्हा पडद्यावर एकत्र दिसल्या नाहीत. आज आपण या जोड्यांविषयी जाणून घेऊया जे पुन्हा कधी आपणास पडद्यावर एकत्र दिसले नाही.
* शाहरुख खान आणि महिमा चौधरी (परदेश)
१९९७ साली प्रदर्शित झालेला ‘परदेस’ या चित्रपटात शाहरुख खान आणि महिमा चौधरी ही जोडी पहिल्यांदा एकत्र दिसली. मात्र ही जोडी पुन्हा कधीही पडद्यावर दिसलीच नाही. दिग्दर्शक सुभाष घई यांच्या या चित्रपटाद्वारे महिमाने बॉलिवूडमध्ये पदार्पण केले होते.
* अजय देवगण आणि काजल अग्रवाल (सिंघम)
२०११ मध्ये प्रदर्शित झालेला रोहित शेट्टी दिग्दर्शित ‘सिंघम’ चित्रपटात अजय देवगण आणि काजल अग्रवाल या जोडीचा हा चित्रपट हिट झाला होता. मात्र या चित्रपटानंतर ही जोडी पुन्हा एकत्र आलीच नाही. अजय देवगणने सिंघमनंतर काही चित्रपट केले तर दुसरीकडे काजलकडे मात्र एकाही बॉलिवूड चित्रपटाची आॅफर नाहीये. ती अखेरची २०१६ मध्ये आलेल्या ‘दो लफ्जों की कहानी’ या चित्रपटात झळकली होती.
* आमिर खान आणि असिन (गजनी)
ए.आर.मुरुगदास दिग्दर्शित २००८ मध्ये प्रदर्शित झालेल्या ‘गजनी’ चित्रपटात आमिर खान आणि असिन ही जोडी एकत्र दिसली होती. हा चित्रपट सुपरहिट ठरला होता, नंतर मात्र हे दोघेही कधी एकत्र काम करताना दिसले नाही. असिमने या चित्रपटातून बॉलिवूडमध्ये पदार्पण केले होते. त्यानंतर २०१५ मध्ये ‘आॅल इज वेल’ या चित्रपटात ती झळकली होती. मात्र आता तिच्याकडे कोणताही बॉलिवूड चित्रपट नाही.
*सलमान खान आणि आयशा टाकिया (वॉण्टेड)
प्रभुदेवा दिग्दर्शित २००९ मध्ये प्रदर्शित झालेला ‘वॉण्टेड’ या चित्रपटात सलमान खान आणि आयशा टाकिया ही जोडी पहिल्यांदा एकत्र दिसली होती. चित्रपट हिट ठरला, मात्र पुढे ही जोडी एकत्र चित्रपटात झळकली नाही. सलमान खानने त्यानंतर अनेक चित्रपट केले तर आयशा टाकियाकडे सध्या एकाही चित्रपटाची आॅफर नाही. ती अखेरची २०१३ साली आलेल्या ‘आप के लिए हम’ या चित्रपटात झळकली होती.
* आमिर खान आणि ग्रेसी सिंग (लगान)
आशुतोष गोवारिकर दिग्दर्शित २००१ मध्ये आलेल्या ‘लगान’ चित्रपटात आमिर खान आणि ग्रेसी सिंग ही जोडी पहिल्यांदा सिल्व्हर स्क्रिनवर एकत्र आली होती. चित्रपट सुपरहिट ठरल्यानंतर दोघांनी पुन्हा एकत्र एकही चित्रपट साइन केला नाही. लगान चित्रपटाद्वारे ग्रेसीने बॉलिवूड क्षेत्रात पहिले पाऊल ठेवले होते. आमिर खानने त्यानंतर बरेच चित्रपट केले मात्र दुसरीकडे ग्रेसीजवळ सध्या एकाही चित्रपटाची आॅफर नाहीये.
* संजय दत्त आणि ग्रेसी सिंग (मुन्ना भाई एमबीबीएस)
दिग्दर्शक राजकुमार हिराणी यांच्या २००३ मध्ये आलेल्या ‘मुन्नाभाई एमबीबीएस’ या चित्रपटात संजय दत्त आणि ग्रेसी सिंग ही जोडी पहिल्यांदा रुपेरी पडद्यावर आली होती. हा चित्रपट हिट ठरल्यानंतर संजय आणि ग्रेसी यांनी पुन्हा एकत्र कधीही काम केले नाही. संजय दत्तने त्यानंतर काही चित्रपट केले तर ग्रेसीकडे मात्र आता एकाही चित्रपटाची आॅफर नाही. ती काही दिवसांपूर्वीच एका मालिकेत झळकली होती.
.jpg)
* बॉबी देओल आणि ट्विंकल खन्ना (बरसात)
बॉबी देओल आणि ट्विंकल खन्ना यांनी १९९५ साली आलेल्या 'बरसात'मध्ये एकत्र काम केले होते. दिग्दर्शक राजकुमार संतोषींच्या या हिट चित्रपटात झळकलेल्या या जोडीने भविष्यात नंतर कधीही एकत्र काम केले नाही. बरसात हा बॉबी-ट्विंकलचा डेब्यू चित्रपट होता. बॉबी देओलजवळ सध्या दोन चित्रपट आहेत. तर ट्विंकल खन्ना गेल्या काही वर्षांपासून चित्रपटसृष्टीपासून दूर आहे. २००१ मध्ये आलेला 'लव के लिए कुछ भी करेगा' हा ट्विंकलचा शेवटचा चित्रपट होता.