हॉलिवूड स्टार टॉम क्रुझने दिली आशा भोसलेंच्या रेस्टॉरंटला भेट, या पदार्थावर मारला ताव

आशा भोसले यांनी सोशल मीडियावर टॉम क्रुझचा फोटो शेअर केला आहे.

बॉलिवूडची प्रसिद्ध गायिका आशा भोसले यांनी आपल्या सुरेल स्वरांनी रसिकांना भुरळ पाडली आहे. आशा भोसले सोशल मीडियावर एक्टिव्ह आहेत. त्या बऱ्याचदा फोटो आणि व्हिडीओ शेअर करत असतात. आशा भोसले यांचे युकेमध्ये स्वतःचे रेस्टॉरंट आहे. त्याचे नाव आहे आशा बर्मिंगहॅम. त्यांच्या या रेस्टॉरंटला नुकतीच हॉलिवूड स्टार टॉम क्रुझने भेट दिली होती. आशा भोसले यांनी टॉम क्रुझचा एक फोटो त्यांच्या इन्स्टाग्रामवर शेअर केला आहे. हा फोटो सोशल मीडियावर व्हायरल होताना दिसत आहे.

हॉलिवूडचा प्रसिद्ध आभिनेता टॉम क्रुझला चिकन टिक्का मसाला हा भारतीय पदार्थ खूप आवडतो. त्यामुळे टॉम नुकताच युकेमधील एका भारतीय रेस्टॉरंट बाहेर दिसला. आशा भोसले यांच्या आशा बर्मिंगहॅममध्ये तो गेला होता. तिथे त्याने रेस्टॉरंटच्या बाहेर काही स्टाफसोबत फोटो काढले. आशा भोसले यांना ही बातमी कळताच त्यांनी इन्स्टाग्रामवर हा फोटो शेअर केला आणि लिहिले की, मला खूप आनंद झाला की टॉम क्रुझने आशा बर्मिंगहॅम या रेस्टॉरंटमध्ये जेवणाचा आस्वाद घेतला.

आशा भोसले यांनी या पोस्टद्वारे टॉमला त्यांच्या रेस्टॉरंटमध्ये पुन्हा आमंत्रण दिले आहे. या रेस्टॉरंटने देखील टॉम क्रुझचा हा फोटो शेअर केला आणि टॉमने चिकन टिक्का मसाला या भारतीय पदार्थावर ताव मारला. हा पदार्थ त्याला एवढा आवडला की त्याने एकदा नाही तर दोनदा हा पदार्थ मागवला.

टॉम क्रुझ सध्या ‘मिशन इम्पॉसिबल’ सीरिजच्या सातव्या सीझनचे शूटिंग करत आहे. या सीरिजच्या चौथ्या भागात  बॉलिवूड अभिनेता अनिल कपूर झळकला होता.

या चित्रपटाचे नाव होते ‘मिशन इम्पॉसिबल: घोस्ट प्रोटोकॉल’. या चित्रपटात अनिल कपूर यांनी खलनायकाची भूमिका साकारली होती. त्यामुळे ‘मिशन इम्पॉसिबल’ फ्रेंचाईजी आता भारतातही खूप लोकप्रिय झाली आहे.