My Cute !! हृतिक रोशनसोबतच्या नात्यावर सबा आझादचं शिक्कामोर्तब? वाचा पोस्ट

दोन महिन्यांआधी हृतिक रोशन  (Hrithik Roshan) एका मिस्ट्री गर्लसोबत हॉटेलमधून बाहेर पडताना दिसला आणि त्याच्या व तिच्या अफेअरची चर्चा सुरू झाली. ही मिस्ट्री गर्ल कोण तर सबा आझाद .आता काय तर, लवकरच  हृतिक आणि सबा आझाद आपलं नातं अधिकृतपणे जाहीर करतील असं दिसतंय.

दोन महिन्यांआधी हृतिक रोशन  (Hrithik Roshan) एका मिस्ट्री गर्लसोबत हॉटेलमधून बाहेर पडताना दिसला आणि त्याच्या व तिच्या अफेअरची चर्चा सुरू झाली. ही मिस्ट्री गर्ल कोण तर सबा आझाद (Saba Azad). तेव्हापासून अनेकदा हृतिक व सबा एकत्र दिसले. अगदी हृतिकच्या फॅमिलीसोबत लंच डेट एन्जॉय करताना दिसली. मग काय तर सोशल मीडियावर एकमेकांच्या पोस्टवर कमेंट्स करण्याचा ‘सिलसिला’ सुरु झाला. आता काय तर, लवकरच  हृतिक आणि सबा आझाद आपलं नातं अधिकृतपणे जाहीर करतील असं दिसतंय.

हृतिकनं त्याच्या इन्स्टाग्राम पोस्टद्वारे आधीच सबासोबत रिलेशनशिपमध्ये असल्याची हिंट दिली होती.  आता सबा आझादनेही हृतिक रोशनला डेट करत असल्याची काहीशी हिंट दिली आहे. सबाने एक पोस्ट शेअर केली आहे. या पोस्टमध्ये तिने एक व्हिडीओ शेअर केला. पुण्यातील आपल्या कॉन्सर्ट व्हेन्यूची एक झलक शेअर करत, सबा आझादने तिच्या चाहत्यांना या कॉन्सर्टमध्ये सहभागी होण्यासाठी आमंत्रित केले. 

मग काय, हृतिक रोशनने लगेच सबाने शेअर केलेला हा व्हिडीओ त्याच्या इन्स्टाग्राम स्टोरीवर व्हिडिओ शेअर केला.‘किल इट, अप्रतिम स्त्री. काश मी देखील तिथे असतो...’, असं त्याने यावर लिहिलं. सबाने हृतिकची ही इन्स्टास्टोरी पाहिली आणि तिने ती आपल्या स्टोरीत रिपोस्ट केली. ‘माझीही इच्छा आहे की तुही इथं असावंस, माझ्या क्यूट!!,’ असं तिने यावर लिहिलं. सोबत  स्माईली इमोजी शेअर केलेत.
हृतिक व सबा यांच्यातील या रोमॅन्टिक पोस्टनंतर दोघांत मैत्रीपेक्षा अधिक काही आहे, हे स्पष्ट दिसतंय. सोशल मीडिया युजर्सही दोघांच्या पोस्ट पाहून क्रेझी झाले आहेत.

हृतिक आणि सबाची ओळख एका कॉमन फ्रेंडद्वारे  झाली होती.   पहिल्या भेटीपासून दोघेही एकमेकांच्या संपर्कात होते. त्यानंतर ते एका डिनर डेटवर भेटले. खरं तर ही भेट कामासंदर्भात होती. पण तिथून सबा व हृतिक सगळ्यांच्या नजरेत भरले.
मिड डेच्या वृत्तानुसार, सबा व हृतिक सुट्टीसाठी गोव्यात गेले होते. अनेक रिपोर्टनुसार, हृतिक व सबा एकमेकांना डेट करत आहेत. मात्र हे रिलेशन त्यांना पब्लिक करायचं नसल्याने गप्प आहेत. दोघंही आपलं खासगी आयुष्य सीक्रेट ठेवू इच्छितात.

 
सबा आझाद  एक बॉलिवूड अभिनेत्री आहे. 1 नोव्हेंबर 1990 रोजी जन्मलेली आणि दिल्लीत लहानाची मोठी झालेल्या सबाने थिएटर आर्टिस्ट म्हणून अ‍ॅॅक्टिंग करिअरला सुरूवात केली. यानंतर ती चित्रपटांकडे वळली. 2008 साली ‘दिल कबड्डी’ या सिनेमातून तिचा डेब्यू झाला. यात ती राहुल बोससोबत स्क्रिन शेअर करताना दिसली होती. पण तिला ओळख दिली ती 2011 साली रिलीज ‘मुझसे फ्रेन्डशिप करोगे’ या सिनेमाने. यात तिच्या अपोझिट साकिब सलीम दिसला होता. त्याआधी सबाने अनेक शॉर्ट फिल्म्समध्ये काम केलं आहे. 2021 साली म्हणजे गतवर्षी ती ‘फील्स लाइक इश्क’ या सिनेमात दिसली होती.

2010 साली सबाने स्वत:ची थिएटर कंपनी उघडली होती. सबाला थिएटरसोबत गाण्याचाही शौक आहे. नसीरूद्दीन शाह यांचा मुलगा इमाद शाहसोबत तिने ‘Madboy / Mink’ या इलेक्ट्रॉनिक बँडची सुरूवात केली होती़ 2013 साली इमादने सबासोबतचं रिलेशनशिप पब्लिक केलं होतं. सबा व मी दोन वर्षांपासून एकत्र राहत असून मी रिलेशनशिपमध्ये आहे, असं इमाद म्हणाला होता. या रिलेशनशिपचं पुढे काय झालं, ते अद्याप गुलदस्त्यात आहे. 2013 साली यशराज फिल्म टॅलेंट डिव्हिजनने ह्यधूम अँथमह्णचा व्हिडीओ आपल्या युट्यूब चॅनलवर रिलीज केला होता़ यात सबाला कास्ट करण्यात आलं होतं. या अँथमला तिनं आपला आवाज दिला होता.