"माझ्या लग्नात मला ते नको आहे", मानसी तक्षकने 'अ‍ॅनिमल'मधील बॉबी देओलसोबतच्या 'त्या' दृश्यावर सोडले मौन

Animal Movie : संदीप रेड्डी वंगा दिग्दर्शित 'अ‍ॅनिमल' हा या वर्षातील सर्वाधिक चर्चेत असलेला चित्रपट आहे. रणबीर कपूर, रश्मिका मंदाना, बॉबी देओल आणि अनिल कपूर यांच्या महत्त्वाच्या भूमिका असलेला हा चित्रपट बॉक्स ऑफिसवर जबरदस्त हिट ठरला आहे.

संदीप रेड्डी वंगा दिग्दर्शित 'अ‍ॅनिमल' (Animal Movie) हा या वर्षातील सर्वाधिक चर्चेत असलेला चित्रपट आहे. रणबीर कपूर, रश्मिका मंदाना, बॉबी देओल आणि अनिल कपूर यांच्या महत्त्वाच्या भूमिका असलेला हा चित्रपट बॉक्स ऑफिसवर जबरदस्त हिट ठरला आहे. मात्र, त्यातल्या इंटिमेट आणि हिंसक सीन्समुळे बराच वादही निर्माण झाला आहे. त्यात असाच एक सीन आहे, जेव्हा बॉबी देओलचे पात्र अबरार हकने तिसऱ्या लग्नानंतर त्याच्या पहिल्या दोन बायकांवर हात उचलला होता. या चित्रपटात त्याच्या तिसऱ्या पत्नीची भूमिका साकारणारी मानसी तक्षक नुकतीच या दृश्याबद्दल बोलली.

झूम एंटरटेनमेंटशी बोलताना मानसी म्हणाली की, 'हे नक्कीच धक्कादायक आहे. त्यांच्या लग्नाचा सीन अशा रितीने संपेल, असे वाटले नव्हते.जेव्हा लग्नाचा सीक्वन्स सुरू होतो, तेव्हा जर तुम्ही पाहिले तर त्याचा सेटअप बनवला गेला होता, जो खूप सुंदर होता. जे म्युझिक वाजतंय ते खूप छान आहे. ते संपतं तसं काहीतरी भयानक घडताना दिसत आहे. जे प्रेक्षकांना एक प्राणी येत असल्याची माहिती देण्यासाठी होते; जर तुम्हाला रणबीर असा वाटत असेल तर तुम्ही खलनायकाकडून वाईट अपेक्षा करू शकता. बॉबी सरांची व्यक्तिरेखा साकारण्याचा आणि आपण कोणत्या खऱ्या प्राण्याबद्दल बोलत आहोत हे प्रेक्षकांना दाखवण्याचा हा एक उत्तम मार्ग होता. मानसी पुढे म्हणाली, 'माझ्या लग्नात असं कधीच घडावं असं मला वाटत नाही!'

चित्रपट आणि दृश्यांवर झालेल्या टीकेबद्दल बोलताना मानसी म्हणाली, 'त्यापूर्वीचे दृश्य पाहिले तर कोणते लग्न होते. त्यात तुम्हाला आमच्यात असलेली केमिस्ट्री दिसते, जे त्यांच्यातील फरक, त्यांचे वय, त्यांचे वेगवेगळे करिअर, ते एकमेकांवर प्रेम करतात आणि म्हणूनच ते लग्न करत आहेत याची पार्श्वकथा सांगते.

मानसीने सांगितले की, बॉबी देओलला त्याच्या भावाच्या मृत्यूची बातमी लग्नाच्या वेळी येण्याची अपेक्षा नव्हती, ज्यामुळे पात्र अशा झोनमध्ये होते जिथे तो सरळ विचारही करू शकत नाही. 'यानंतर अबरार त्या झोनमध्ये जातो आणि आपल्या भावना व्यक्त करण्यासाठी तो त्याच्या बायकोकडे येतो. कोणत्याही प्रकारचा हल्ला करण्याचा हेतू होता असे मला वाटत नाही. मला ते सेटवर किंवा स्क्रिप्टमध्ये जाणवले नाही. तसे नव्हते. दोन व्यक्तींमधलं हे नातं असंच पुढे जात होतं. हा बलात्काराचा सीन नव्हता.