'मी लग्न केलंय...', अखेर राघव जुयालनं शहनाज गिलसोबतच्या नात्याबद्दल केला खुलासा

Raghav Juyal And Shehnaaz Gill : अँकर आणि अभिनेता राघव जुयाल आणि शहनाज गिलच्या अफेअरची चर्चा अनेक दिवसांपासून सुरू आहे.

प्रसिद्ध डान्सर-अँकर राघव जुयाल (Raghav Juyal) आणि शहनाज गिल (Shehnaaz Gill) या दोघांचे अफेअर असल्याची चर्चा सोशल मीडियावर बऱ्याच दिवसांपासून सुरू आहे. राघव आणि शहनाजचे असे अनेक व्हिडीओ समोर आले होते, ज्यामध्ये दोघांमध्ये एक खास बाँडिंग दिसली होते. त्यानंतर असा अंदाज वर्तवला जात होता की, सिद्धार्थ शुक्लाच्या मृत्यूनंतर शहनाज अखेर पुढे आली आहे आणि ती राघवच्या जवळ आली आहे. मात्र, राघव किंवा शहनाज या दोघांनीही यावर कोणतेही स्पष्टीकरण दिलेले नाही. मात्र आता राघवने या वृत्तांवर मौन सोडले आहे.

टाइम्स ऑफ इंडियाशी बोलताना राघव म्हणाला, 'मी आणि शहनाजने एका चित्रपटात एकत्र काम केले आहे आणि एवढेच. मी सहमत आहे की हे लोक सहसा सहकलाकारांबद्दल प्रश्न विचारतात, ही एक नैसर्गिक गोष्ट आहे, परंतु आम्ही डेटिंग करत नाही. काही महिन्यांत माझे तीन चित्रपट येत आहेत आणि मी माझ्या कामाशी लग्न केले आहे असे म्हणू शकतो. सध्या मला अविवाहित राहायचे आहे. ना माझ्याकडे वेळ आहे ना माझ्याकडे नात्यात येण्याचा कोणताही विचार आहे.

या कारणामुळे राघव जुयाल करत नाही सूत्रसंचालन

राघव जुयाल काही काळापासून सूत्रसंचालन करताना दिसत नाही. याबद्दल अभिनेता म्हणाला, 'डान्स प्लसच्या अनेक सीझनमध्ये मी त्यांचा नेहमीचा चेहरा होतो, मला त्या टीमची आठवण येते. पण पुढे जायला हवे. मी अनेक रिएलिटी शो होस्ट केले आहेत पण आता मला चित्रपटांवर लक्ष केंद्रित करायचे आहे. राघव हा छोट्या पडद्यावरील एक प्रसिद्ध चेहरा आहे, पण तो काही चित्रपटांमध्येही दिसला आहे. अलीकडेच हा अभिनेता सलमान खानच्या 'किसी का भाई किसी की जान' या चित्रपटात दिसला होता.