विजय वर्मानं तमन्ना भाटियासोबतचं नातं केलं जगजाहीर?, एका फोटोमुळे चर्चेला उधाण

दाक्षिणात्य चित्रपटसृष्टीतील अभिनेत्री तमन्ना भाटिया (Tamanna Bhatia) आणि विजय वर्मा (Vijay Varma) यांच्या रिलेशनशीपच्या चर्चा गेल्या काही दिवसांपासून सातत्याने सुरु आहेत. दोघेही एकमेकांना डेट करत असल्याचे बोलले जात आहे. हे कपल बऱ्याचदा मीडियासमोर एकत्र पोज देताना दिसत आहे. मात्र, दोघांनीही त्यांच्या नात्याबद्दल अद्याप काहीही वक्तव्य केलेले नाही किंवा दुजोरा दिलेला नाही. मात्र आता व्हॅलेंटाईन डेच्या निमित्ताने विजय वर्माने सोशल मीडियावर एक फोटो शेअर केला आहे. हा फोटो सोशल मीडियावर शेअर केल्यानंतर नेटकऱ्यांनी स्वत: या बातमीवर शिक्कामोर्तब केले आहे. 

व्हॅलेंटाईन डेच्या निमित्ताने अनेक सेलिब्रिटी सोशल मीडियावर आपले प्रेम व्यक्त करताना दिसत आहेत, तर काही सेलिब्रिटी आपले प्रेम व्यक्त करण्यापासून स्वतःला दूर ठेवू पाहत आहेत. या सगळ्यामध्ये अभिनेता विजय वर्मानं व्हॅलेंटाइन डेच्या निमित्ताने एक स्पेशल पोस्ट शेअर केली आहे. 

विजय वर्माने इन्स्टाग्राम स्टोरीवर एक पोस्ट केली आहे. या फोटोमध्ये एका बाजूला जिथे विजयचा पाय दिसत आहे, तर दुसऱ्या बाजूला दिसणारा पाय तमन्नाचा असल्याचे म्हटले जात आहे. दोघांच्या पायांच्या मध्ये लाल रंगाचा हार्ट इमोजी देखील दिसत आहे. ही पोस्ट पाहिल्यानंतर लोकांनी दोघांमधील प्रेमाचा अंदाज येऊ लागला आहे.

या फोटोत दिसणारे शूज तमन्नाचे आहेत याचा पुरावा नेटकऱ्यांकडे काय आहे? तर या फोटोत दिसणाऱ्या शूजचे पुरावेही नेटकऱ्यांनी शेअर केले आहेत. तमन्नाचे शूज विजयने शेअर केलेल्या या पोस्टमध्ये दिसलेल्या शूजशी जुळताना दिसत आहेत. अनेक नेटकरी अंदाज बांधत आहेत की अभिनेत्रीने जॅकेट हातात धरले आहे. तमन्नाचे हे फोटो सोशल मीडियावरही व्हायरल झाले आहेत. यानंतर नेटकरी ते दोघे रिलेशनशिपमध्ये असल्याचे म्हणत आहेत. 
तमन्ना भाटिया आणि विजय वर्मा नुकतेच एका अवॉर्ड शोमध्ये एकत्र स्पॉट झाले होते, त्यानंतर त्यांच्या अफेयर्सबद्दलच्या चर्चा सुरु झाल्या होत्या. मात्र, तमन्ना आणि विजय यांनी त्यांच्या डेटिंगच्या वृत्तांवर अद्याप कोणतीही प्रतिक्रिया किंवा दुजोरा दिलेला नाही.