लाऊड स्पीकरवर नको अजान...! अजानबद्दल ट्विट करून फसले जावेद अख्तर!! 

जावेद अख्तर यांनी अजानबद्दल ट्विट केले आणि ते ट्रोल झालेत. वाचा काय केले ट्विट

ठळक मुद्देअन्य एका युजरने तर त्यांना चांगलेच सुनावले.

बॉलिवूडचे गीतकार जावेद अख्तर ट्विट करतील आणि चर्चेत येणार नाहीत, असे शक्यच नाही. जावेद यांचे एक ट्विट सध्या काहीसे वादात सापडले आहे. होय, अजानविषयी एक ट्विट करणे त्यांना चांगलेच महागात पडले. या ट्विटनंतर नेटक-यांनी त्यांना चांगलेच ट्रोल केले.  अजानबद्दल केलेले त्यांचे हे ट्विट अनेकांना रूचले नाही आणि नेटक-यांनी त्यांना फैलावर घेतले. त्यांच्या या ट्विटनंतर सोशल मीडियावर एक मोठा वादविवाद सुरु झाला.

काय केले ट्विट

In India for almost 50 yrs Azaan on the loud speak was HARAAM Then it became HaLAAL n so halaal that there is no end to it but there should be an end to it Azaan is fine but loud speaker does cause of discomfort for others I hope that atleast this time they will do it themselves

— Javed Akhtar (@Javedakhtarjadu) May 9, 2020

‘ भारतात ५० वर्षांपर्यंत लाऊड स्पीकरवर अजान लावणे ‘हराम’ होते. मात्र कालांतराने ते ‘हलाल’ झालें. अशा प्रकारे ‘हलाल’ झाले की त्याची कोणतीही सीमा राहिली नाही. अजान करणे  चांगली गोष्ट आहे. मात्र लाऊड स्पीकरवर अजान लावल्यामुळे त्याचा इतरांना त्रास होऊ शकतो. त्यामुळे या परिस्थितीत तरी ते बदलतील, अशी आशा मला आहे,’ असे ट्विट जावेद अख्तर यांनी केले.

लोकांनी केले ट्रोल

You dont need to prove your secularism by asking for a ban on loud speakers for azaan alone.

There should be a blanket ban on use of loud speakers- be it for any Ganesh chaturti, azaan, Sunday mass or any religious purposes

Not to forget the noise in VIP weddings too!

— Dr. Syeda Uzma (@sane_indian) May 9, 2020

 
जावेद अख्तर यांचे अजानबद्दलचे हे ट्विट लगेच व्हायरल झाले. अनेक युजर्सनी त्यांना ट्रोल केले. ‘लाऊड स्पीकरवर फक्त अजान बंद करण्याचा सल्ला देऊन स्वत:चे सेक्युलॅरिज्म सिद्ध करण्याची गरज नाही. बंदी आणायचीच तर लाऊड स्पीकरवर संपूर्णपणे बंदी आणा. मग ती गणेश चतुर्थी असो किंवा अजान. कोणत्याही धमाचे कोणतेही कार्य असू देत लाऊड स्पीकर बंदच ठेवा,’ असे एका नेटक-याने यावर कमेंट करताना लिहिले.

Disagree with your opinion.
Plz. Don't pass such comments which is related to Islam & belief

You must know that we are not running high volume songs every time & playing in hands of evil

Adaan is the most beautiful invitation for coming to prayer & walk on right track of life.

— Azhar (@AzharJeddah2003) May 9, 2020

अन्य एका युजरने तर त्यांना चांगलेच सुनावले. ‘तुमच्या मताशी मी पूर्णपणे असहमत आहे. कृपया इस्लाम व त्याच्याशी संबंधित श्रद्धांवर बोलणे थांबवा. आम्ही लाऊड स्पीकरवर गाणी वाजवत नाही़ तर अजान वाजवतो. जी एक अतिशय सुंदर प्रार्थना आहे,’ असे या युजरने लिहिले.