हे स्टार किड्स आहेत बॉलिवूडचे भविष्य !
By ऑनलाइन लोकमत | Published: November 28, 2017 04:14 AM2017-11-28T04:14:14+5:302017-11-28T09:44:14+5:30
-रवींद्र मोरे आपला चित्रपट सुपरहिट व्हावा अशी प्रत्येक निर्मात्याची इच्छा असते. यासाठी दमदार स्क्रीप्टबरोबरच त्या चित्रपटाचा नायक आणि नायिकाही ...
.jpg "It's Star Kids, Bollywood's Future! | हे स्टार किड्स आहेत बॉलिवूडचे भविष्य !")
हे स्टार किड्स आहेत बॉलिवूडचे भविष्य !
Next आपला चित्रपट सुपरहिट व्हावा अशी प्रत्येक निर्मात्याची इच्छा असते. यासाठी दमदार स्क्रीप्टबरोबरच त्या चित्रपटाचा नायक आणि नायिकाही तेवढेच दमदार असावे, असा त्याचा अट्टाहास असतो. त्यासाठी नवीन चेहऱ्यांनाही संधी देण्याचा तो प्रयत्न करतो. त्यातच स्टार किड्स असले तर अतिउत्तम. अभिनेत्री श्रीदेवीची मुलगी जान्हवी कपूरची तर बॉलिवूडमध्ये एन्ट्री झाली. अजून असे काही स्टार किड्स आहेत ज्यांच्याकडे बॉलिवूडचे भविष्य म्हणून पाहिले जात आहे. जाणून घेऊया त्यांच्याबाबत...
* जान्हवी कपूर
प्रसिद्ध अभिनेत्री श्रीदेवी आणि निर्माता बोनी कपूर यांची २० वर्षाची मुलगी जान्हवी कपूर बॉलिवूड डेब्यूसाठी पूर्ण सज्ज झाली आहे. जान्हवी आपल्या आईसारखीच सुंदर आहे. ती करण जोहरचा चित्रपट ‘धडक’ मध्ये काम करणार असून या चित्रपटाचे पहिले पोस्टरदेखील रीलिज झाले आहे.
* ईशान खट्टर
जान्हवी सोबत शाहिद कपूरचा भाऊ ईशान खट्टरदेखील डेब्यू करत आहे. ‘धडक’मध्ये जान्हवीच्या अपोजिट ईशान आहे. ईशानदेखील खूपच स्मार्ट आहे. हा चित्रपट ‘सैराट’ या मराठी चित्रपटाचा रिमेक आहे.
.jpg)
* करण कपाडिया
बॉलिवूड खिलाडी अक्षय कुमारचा शालक करण कपाडिया बॉलिवूडमध्ये डेब्यू करण्यास सज्ज झाला आहे. करण डिंपल कपाडियाची बहिण सिंपल कपाडियाचा मुलगा आहे. असे समजते की, करण टोनी डिसूजाच्या प्रोडक्शनमध्ये बनणाऱ्या चित्रपटात काम करणार आहे.
* अनन्या पांडे
चंकी पांडेची सुंदर मुलगी अनन्या पांडेदेखील बॉलिवूडमध्ये डेब्यू करण्यास सज्ज झाली आहे. असे समजते की, करण जोहरचा ‘स्टुडंट आॅफ द ईयर २’ मध्ये अनन्या बॉलिवूडमध्ये पदार्पन करु शकते. मात्र या गोष्टीची अधिकृत घोषणा झाली नाही. मात्र अनन्या डेब्यूच्या अगोदरच सोशल मीडियावर सेलिब्रिटी बनली आहे.
* करण देओल
सनी देओलचा मुलगा करण देओल येणाऱ्या काळात मोठ्या पडद्यावर दिसू शकतो. वडील सनीच्या डायरेक्शनमध्ये बनत असलेल्या ‘पल पल दिल के पास’ या चित्रपटातून करण डेब्यू करणार आहे. सध्या चित्रपटाची शूटिंग सुरु आहे.
* उत्कर्ष शर्मा
‘गदर’ सारख्या रेकॉर्डमेकर चित्रपट बनविणारे अनिल शर्मा आपला मुलगा उत्कर्षला बॉलिवूडमध्ये लॉन्च करणार आहेत. चित्रपटाचे शीर्षक ‘जीनियस’ आहे. विशेष म्हणजे गदरमध्ये उत्क र्षने सनी देओलच्या मुलाचा रोल केला आहे.