'गणपत'साठी जॅकलिन फर्नांडिसने शेअर केली खास पोस्ट, म्हणाली - "सिनेमाची जास्त वाट पाहू शकत नाही..."

Ganpath Movie : बॉलिवूड अभिनेता टायगर श्रॉफचा गणपत हा चित्रपट लवकरच मोठ्या पडद्यावर दाखल होणार आहे. नुकताच विकास बहल दिग्दर्शित या चित्रपटाचा ट्रेलर प्रदर्शित झाला, जो पाहून चाहत्यांसह इंडस्ट्रीतील स्टार्सचीही उत्सुकता वाढली आहे.

बॉलिवूड अभिनेता टायगर श्रॉफचा गणपत हा चित्रपट लवकरच मोठ्या पडद्यावर दाखल होणार आहे. नुकताच विकास बहल दिग्दर्शित या चित्रपटाचा ट्रेलर प्रदर्शित झाला, जो पाहून चाहत्यांसह इंडस्ट्रीतील स्टार्सचीही उत्सुकता वाढली आहे. अनेक सेलिब्रिटी या चित्रपटाची आतुरतेने वाट पाहत आहेत. जॅकलीन फर्नांडिस देखील त्यापैकी एक आहे.

नुकतीच जॅकलीन फर्नांडिस सोशल मीडियावर चित्रपटाचे समर्थन करताना दिसली. "गणपतला खूप शुभेच्छा. टायगर श्रॉफ आणि क्रिती सनॉन. या वीकेंडला २० ऑक्टोबरला पाहण्यासाठी प्रतीक्षा करू शकत नाही," तिने तिच्या इंस्टाग्राम स्टोरीवर लिहिले. यामध्ये टायगरसोबत क्रिती सेननही दमदार अॅक्शन करताना दिसणार आहे.

दाक्षिणात्य चित्रपटांशी होणार सामना
वाशू भगनानी, जॅकी भगनानी, दीपशिखा देशमुख आणि विकास बहल यांनी या चित्रपटाची निर्मिती केली आहे. हा चित्रपट या शुक्रवारी जगभरात हिंदी, तमिळ, तेलुगू, मल्याळम आणि कन्नड भाषेत प्रदर्शित होणार आहे. यामध्ये अमिताभ बच्चनही महत्त्वाच्या भूमिकेत दिसणार आहेत. हा चित्रपट बॉक्स ऑफिसवर दक्षिणेच्या दोन मोठ्या चित्रपटांशी स्पर्धा करत आहे. टायगर नागेश्वर राव आणि लिओ देखील याच आठवड्यात रिलीज होणार आहेत. अशा परिस्थितीत तिकीटबारीवर तिन्ही चित्रपटांमध्ये मोठी स्पर्धा होऊ शकते. लिओने अॅडव्हान्स बुकिंगमध्ये रेकॉर्डब्रेक कमाई केली आहे. पहिल्याच दिवशी जगभरात १०० कोटींचा व्यवसाय करण्यात हा चित्रपट यशस्वी होईल, असा विश्वास आहे.