जेम्स बॉन्ड आणि सलमान खान-कॅटरिनाच्या ‘टायगर जिंदा है’सिनेमाचे जाणून घ्या काय आहे कनेक्शन

ब�

��लिवूडचा दबंग सलमान खान आणि कॅटरिना कैफ यांचा 'टायगर जिंदा है' हा सिनेमा हेरगिरीवर आधारित आहे हे कुणालाही नव्याने सांगण्याची गरज नाही. या बातमीचं शीर्षक वाचून तुम्हाला हा सिनेमा हॉलिवूडच्या अॅक्शनपटाप्रमाणे असं सांगण्याचाही प्रयत्न नाही. मात्र 'टायगर जिंदा है' आणि बॉन्ड सीरीजमध्ये एक गोष्ट कॉमन आहे. गेल्या अनेक वर्षात बॉन्स सीरीज सिनेमात विविध कलाकारांनी भूमिका साकारल्या.बॉन्ड गर्ल्सही बदलल्या गेल्या. बॉन्ड सिनेमात वापरल्या जाणा-या गन्स आणि गजेट्सही वर्षानुवर्षे बदलत राहिले. मात्र या बॉन्ड सीरीज सिनेमात एक गोष्ट बदलली नाही. ती गोष्ट म्हणजे या सिनेमाची ओळख असलेली बॉन्ड म्युझिक. गेली अनेक वर्ष बॉन्ड म्युझिकने रसिकांची मने जिंकली आहे. ही म्युझिक वाजू लागली की आपसुकच बॉन्ड सिनेमाची चाहूल लागते. बॉन्डच्या म्युझिकने रसिकांवर वेगळीच जादू केली आहे. बॉन्डप्रमाणेच टायगरचीही स्वतःची अशी वेगळी म्युझिक आहे. बॉन्ड म्युझिकच्या धर्तीवर एक था टायगर सिनेमाची थीम म्युझिक आगामी टायगर जिंदा है या सिनेमातही कायम ठेवण्यात आली आहे. ज्या ठिकाणी एक था टायगर सिनेमाचा शेवट होतो त्याच ठिकाणी टायगर जिंदा है सिनेमाला सुरुवात होते. मात्र या सिनेमाची कथा पूर्णपणे वेगळी असणार आहे. या सिनेमाच्या कथेचा प्लॉट पूर्णपणे वेगळा असेल आणि सिनेमातील ब-याच गोष्टी वेगळ्या असतील. मात्र सिनेमाचा जुना चार्म आणि ओळख कायम राहावी म्हणून एक था टायगर सिनेमाची थीम म्युझिक कायम ठेवण्याचा निर्णय घेण्यात आला आहे. टायगरची ओळख सांगण्यासाठी या थीम म्युझिकपेक्षा दुसरी वेगळी गोष्ट असूच शकत नाही असं सिनेमाच्या निर्मात्यांना वाटत आहे. टायगर जिंदा है या सिनेमातील एक्शन सीन्स आणि पाठलागाच्या सीन्समध्ये ही टायगर थीम म्युझिक रसिकांना ऐकता येईल. याशिवाय टायगर जिंदा है हा सिनेमा अद्याप रिलीज झालेला नसतानाही निर्माते टायगर सीरीजमधील तिसरा सिनेमा घेऊन येण्याच्या विचारात आहेत. या तिस-या सिनेमातही सलमान आणि कॅटरिनालाच घेण्याचा निर्मात्यांचा मानस आहे. टायगर सीरीजमधील तिस-या सिनेमानंतर ही सीरीज संपेल असं बोललं जात होतं. मात्र तसं काहीही होणार नसल्याच्या आता चर्चा आहेत. कारण या टायगर सीरीज अंतर्गत एकाहून अधिक सिनेमा घेऊन येण्याचा निर्माती कंपनी यशराजचा मानस आहे. धूम सीरीजप्रमाणेच टायगर सीरीजचा यशराजचा मानस आहे. त्यामुळे टायगर सीरीज सुरु राहणार असेल तर बॉन्ड म्युझिकप्रमाणे आगामी काळात टायगर सीरीजही सुपरहिट होईल यांत शंका नाही. 'टायगर जिंदा है' हा सिनेमा येत्या ख्रिसमसमध्ये रसिकांच्या भेटीला येणार आहे. 22 डिसेंबरला हा सिनेमा रसिकांच्या भेटीला येणार आहे. बॉलिवूडसाठी हे वर्ष फारसं यशस्वी ठरलेलं नाही. त्यातच सलमानच्या ट्युबलाईटची जादू बॉक्स ऑफिसवर चाललेली नाही. त्यामुळे रसिकांसह सलमानच्याही नजरा टायगर जिंदा है या सिनेमाच्या रिलीजकडे लागल्या आहेत.  

Also Read:'टायगर जिंदा है'च्या शूटिंगनंतर काय करणार आहे सलमान खान...वाचा सविस्तर