Video: राजामौलींना लागली लॉटरी; जेम्स कॅमेरुन यांनी दिली हॉलिवूडमध्ये काम करण्याची ऑफर...

James Cameron and SS Rajamouli :'टायटॅनिक' आणि 'अवतार'सारख्या सूपरहिट चित्रपटाच्या दिग्दर्शकाने राजामौलींना हॉलिवूडची ऑफर दिली. पाहा Video...

James Cameron and SS Rajamouli : एकीकडे 'अवतार: द वे ऑफ वॉटर' (Avatar: The Way of Water)  या हॉलिवूड चित्रपटाची जगभरात जोरदार चर्चा होत आहे, तर दुसरीकडे भारतीय चित्रपट 'आरआरआर' (RRR) लाही जगभरातील प्रेक्षकांकडून प्रचंड प्रेम मिळत आहे. काही दिवसांपूर्वीच एका अवॉर्ड शोमध्ये अवतार आणि टायटॅनिक (Titanic) सारखे चित्रपट बनवणारे दिग्दर्शक जेम्स कॅमेरुन (James Cameron) आणि 'आआरआर'चे दिग्दर्शक एस एस राजामौली (SS Rajamouli) यांची भेट झाली. यावेळी जेम्स कॅमेरुन यांनी राजामौलींना थेट हॉलिवूडमध्ये काम करण्याची ऑफर दिली. या मुलाखतीचा व्हिडिओ सध्या प्रचंड व्हायरल होत आहे.

राजामौली-कॅमरुन भेट
प्रसिद्ध हॉलिवूड फिल्ममेकर जेम्स कॅमेरुनदेखील एस एस राजामौलींच्या कामाने प्रभावित झाले आणि या भेटीदरम्यान खूप कौतुकही केलं. यावेळी कॅमेरुन यांची पत्नीही सोबत होती, त्यांनीही राजामौलींच कौतुक केलं. यावेळी राजामौलींसोबत संगीतकार एमएम कीरवानीदेखली होते. कॅमेरुन यांनी त्यांचही कौतुक केलं. नुकताच कीरावानी यांना 'नाटू नाटू' गाण्यासाठी गोल्डन ग्लोब पुरस्कार मिळाला आहे. 

View this post on Instagram

A post shared by RRR Movie (@rrrmovie)

हॉलिवूड चित्रपटाची ऑफर!
'आरआरआर'च्या ट्विटर हँडलवर राजामौली आणि कॅमरुन यांच्या भेटीची एक क्लिप शेअर करण्यात आली आहे. या व्हिडिओमध्ये जेम्स कॅमेरुन राजामौलींचे कौतुक करतात आणि शेवटी त्यांना हॉलिवूडमध्ये काम करण्याची ऑफर देतात. ''तुम्हाला हॉलिवूड चित्रपट बनवण्याची इच्छा असेल तर सांगा आपण बसून चर्चा करू,'' असं कॅमेरुन म्हणतात.