Avatar 2 : ओह बॉय! ‘अवतार 2’ पाहून अक्षय कुमार भारावला, कौतुक करत म्हणाला....
By ऑनलाइन लोकमत | Published: December 15, 2022 06:08 PM2022-12-15T18:08:13+5:302022-12-15T18:08:23+5:30
Avatar The Way Of Water, Akshay Kumar : होय, अक्षयने हा सिनेमा पाहिला आणि त्याच्या तोंडून एकच शब्द बाहेर पडला. तो म्हणजे, ‘ओह बॉय!!!’
Avatar 2 : ओह बॉय! ‘अवतार 2’ पाहून अक्षय कुमार भारावला, कौतुक करत म्हणाला....
Next पँडोरा व नावीच्या दुनियेत एन्ट्री करण्यास फॅन्स उत्सुक आहेत. आम्ही बोलतोय ते अवतार 2 अर्थात अवतार : द वे ऑफ वॉटर (Avatar The Way Of Water) या हॉलिवूडपटाबद्दल. उद्या 16 डिसेंबरला हा सिनेमा जगभर विविध भाषांमध्ये रिलीज होतोय. त्याआधी मुंबईत या चित्रपटाचं स्पेशल स्क्रिनिंग पार पडलं. बॉलिवूडच्या अनेक सेलिब्रिटींनी या स्क्रिनिंगला हजेरी लावली. बॉलिवूडचा खिलाडी अक्षय कुमार (Akshay Kumar) हाही या स्क्रिनिंगला हजर होता. अवतार 2 पाहिल्यानंतर अक्षयची काय प्रतिक्रिया आहे तर तो अक्षरश: भारावून गेला आहे. होय, अक्षयने हा सिनेमा पाहिला आणि त्याच्या तोंडून एकच शब्द बाहेर पडला. तो म्हणजे, ‘ओह बॉय!!!’
या वर्षात अक्षयचा एकही सिनेमा फार काही कमाल दाखवू शकला नाही. पण चांगल्या सिनेमाचं कौतुक करायलाच हवं. अवतार 2 पाहिल्यानंतर अक्षयने एक खास ट्वीट केलं.
Watched #AvatarTheWayOfWater last night and Oh boy!!MAGNIFICENT is the word. Am still spellbound. Want to bow down before your genius craft, @JimCameron. Live on!
— Akshay Kumar (@akshaykumar) December 14, 2022
‘काल रात्री मी अवतार 2 हा चित्रपट पाहिला. या चित्रपटाचं वर्णन करण्यासाठी माझ्याकडे अद्भुत हा एकच शब्द आहे. मी अजूनही भारावलेलो आहे. मला या उत्कृष्ट कलाकृतीपुढे नतमस्तक व्हावसं वाटतंय...,’ असं त्याने आपल्या ट्वीटमध्ये लिहिलं. या ट्वीटमध्ये त्याने अवतार 2 चे दिग्दर्शक जेम्स कॅमरून यांनाही टॅग केलं.
अशी आहे अवतार 2 ची कथा
मागच्या भागात पँडोरामध्ये मानवाला मौल्यवान खजिना मिळाला होता. या भागातील कथानक 10 वर्षे पुढे सरकले आहे. पृथ्वी मानवाच्या राहण्यायोग्य नसल्यानं नवीन ग्रहाचा शोध सुरू आहे. पँडोरामध्ये नावी समुदायातील जॅक सली आणि त्याची प्रेमिका नेतिरी चार मुलांसोबत आनंदानं रहात आहेत. यात दोन मुले, एक सख्खी मुलगी, एक दत्तक मुलगी आणि माणसाचा मुलगा स्पायडरही आहे. त्यांच्या सुखी कुटुंबाला कोणाची तरी नजर लागते. पँडोरातील लोकांना स्काय पीपल म्हणणारे पृथ्वीवरील लोक मृत कर्नल माईल्सच्या आठवणी व डीएनएतून अवतरलेल्या कर्नल क्वारिचला सलीचा सूड घेण्याच्या मोहिमेवर पाठवतात. सलीच्या मुलांवर हल्ला करून तो स्पायडरला ओलीस ठेवतो. त्यानंतर सली काय करतो ते पुढे पहायला मिळतं.