Video: तुमसे नहीं हो पायेगा..., ‘सामी सामी’ गाण्यावर थिरकणारी जान्हवी झाली ट्रोल 

Janhvi Kapoor Dance On Sami Sami : जान्हवी कपूर एक उत्तम डान्सरही आहे. आपलं हे टॅलेंट दर्शवण्याची एकही संधी जानू सोडत नाही. मग दुबईतील एका अवार्ड फंक्शनमध्ये ‘सामी सामी’ गाण्यावर थिरकण्याची संधी ती कशी बरं सोडणार होती?

Janhvi Kapoor  Dance On Sami Sami : मिली, गुंजन सक्सेना,धडक अशा सिनेमात झळकलेली जान्हवी कपूर एक उत्तम डान्सरही आहे. आपलं हे टॅलेंट दर्शवण्याची एकही संधी जानू सोडत नाही. मग दुबईतील एका अवार्ड फंक्शनमध्ये ‘सामी सामी’ गाण्यावर थिरकण्याची संधी ती कशी बरं सोडणार होती?

दुबईत फिल्मफेअर मिडल ईस्ट अचिव्हर्स नाईट रंगली. या अवार्ड शोमध्ये बॉलिवूडच्या अनेक सेलिब्रिटींनी हजेरी लावली. जान्हवी कपूरही त्यापैकी एक. या अवार्ड शोमध्ये जान्हवीने ‘सामी सामी’ या पुष्पा या सिनेमातील गाण्यावर डान्स केला. रश्मिका मंदानाच्या स्टेप्स ती कॉपी करताना दिसली. जान्हवीचा सामी सामीवर थिरकतानाचा व्हिडीओ क्षणात व्हायरल झाला. हा व्हिडीओ समोर येताच जान्हवीच्या चाहत्यांनी तिच्यावर कौतुकाचा वर्षाव केला. अर्थात काहींनी जान्हवीला ट्रोल करायची संधीही साधली.

View this post on Instagram

A post shared by Viral Bhayani (@viralbhayani)

मेहनत कर, ऐसा गाना तुझे भी मिलेगा, असं एका युजरने लिहिलं. खुद के गानें है ही नहीं, असं म्हणत एका युजरने तिला ट्रोल केलं. तुझसे नहीं हो पायेगा, असंही एकाने लिहिलं.  तुम्ही बॉलिवूडकर फक्त कॉपी करा,  स्वत:च्या गाण्यांवर डान्स करायचा ना, अशा शब्दांत काही युजर्सनी तिला ट्रोल केलं.  काही जणांनी मात्र तिचं कौतुकदेखील केलं.

जान्हवीच्या वर्कफ्रंटबद्दल सांगायचं तर, नुकताच तिचा  ‘मिली’ हा सिनेमा प्रदर्शित झाला. तिचा हा सिनेमा मल्याळम सिनेमा ‘हेलन’चा हिंदी रिमेक आहे. जान्हवीचे पापा बोनी कपूर यांनी हा सिनेमा प्रोड्यूस केला होता. अर्थात बॉक्स ऑफिसवर हा सिनेमा फार कमाल दाखवू शकला नाही. येत्याकाळात जान्हवीचे अनेक सिनेमे प्रेक्षकांच्या भेटीस येणार आहेत. मिस्टर अ‍ॅण्ड मिसेस माही, बडे मियां छोटे मियां, बवाल, दोस्ताना 2, बॉम्बे गर्ल, तख्त, रणभूमी अशा चित्रपटांत ती झळकणार आहे. हे सर्व सिनेम पुढील वर्षी प्रदर्शित होतील.