'परमाणु'नंतर जॉन अब्राहम दिसणार 'या' चित्रपटात

ग�

��ल्या वर्षी जॉन अब्राहम 'ढिशूम' 'फॉर्स 2' आणि रॉकी हँडसमसारख्या चित्रपटात दिसला होता. यावर्षी जॉन आपल्या चाहत्यांसाठी 'परमाणु द स्टोरी ऑफ पोखरण' हा चित्रपट घेऊन येतोय. गेल्या महिन्यात जॉनने या चित्रपटाचे शूटिंग पूर्ण केले आहे. ऐवढेच नाही तर जॉनने एका स्पॉनिश थ्रिलर चित्रपट 'द इनविजिबल गेस्ट'चे राइट्स विकत घेतले आहेत आणि तो आता यावर हिंदीत चित्रपट तयार करण्याचा विचार करतोय. त्याचबरोबर तो लवकरच एका थ्रिलर चित्रपटात काम करताना दिसणार आहे. याचित्रपटातची गोष्ट एका सिलियल किलरची आहे जो फक्त गणेश चतुर्थीच्या दरम्यान लोकांना मारतो. परमाणुनंतर जॉन लगेच या चित्रपटाचे शूटिंग सुरु करणार आहे. आता हे बघणे महत्त्वाचे आहे जॉन यात सिरियल किलरची भूमिका साकारतो की पोलीस ऑफिसरची भूमिका. 

जॉनचे फूटबॉलवरचे प्रेम आपल्याला सगळ्यांनाच माहिती आहे. जॉन लवकरच फूटबॉलवर आधरित चित्रपट तयार करणार आहे. एका मुलाखती दरम्यान तो म्हणाला, ''हा चित्रपट एका वास्तविक घटनेवर आधारित असेल. याचित्रपटाच्या स्क्रिप्टवर काम चालू आहे. याची निर्मिती मी स्वत:च करणार आहे. मला फूटबॉलची विशेष आवड आहे. पण आपल्या देशात या खेळाची माहिती खूप कमी लोकांना आहे. मी काही दिवसांपूर्वीच माझा आगामी चित्रपट परमाणु द स्टोरी ऑफ पोखरणची शूटिंग पूर्ण केली आहे. आता मी पूर्णपणे याचित्रपटावर फोकस करणार आहे.'' 

रिपोर्टनुसार हा चित्रपट एक हॉलिवूड चित्रपटाचा रिमेक असणार आहे. जॉनचे गेल्या वर्षी रिलीज झालेले चित्रपट बॉक्स ऑफिसवर फ्लॉप झाले. मात्र जॉनला आपल्या आगामी चित्रपटातकडून बऱ्याच अपेक्षा आहेत.