जॉली एलएलबी 2 नंतर आता जॉली एलएलबी 3

च�

��त्रपटांच्या यशानंतर त्या चित्रपटाचा सिक्वल बनवला जाणे यात काही नवीन नाही. चित्रपटांचा सिक्वल हा तर बॉलिवूडमधला एक ट्रेंडच बनला आहे. चित्रपटाने बॉक्स ऑफिसवर चांगली प्रगती करताच लगेचच चित्रपटाच्या सिक्वलची घोषणा करण्यात येते. पण चित्रपटाचे सिक्वल मूळ चित्रपटाइतके गाजतातच असे नाही. 
जॉली एलएलबी या चित्रपटाने बॉक्स ऑफिसवर चांगली कमाई केली होती आणि आता जॉली एलएलबी 2 देखील बॉक्स ऑफिसवर चांगलाच गल्ला जमवत आहे. जॉली एलएलबी या चित्रपटाच्या यशानंतर जॉली एलएलबी 2 बनवण्यात आला होता. पण या चित्रपटात अर्शद वारसीची जागा अक्षय कुमारने घेतली. आता या चित्रपटाचा तिसरा भाग येणार असल्याचे या चित्रपटाच्या निर्मात्यांनी स्पष्ट केले आहे. 
या चित्रपटाच्या यशाची एक पार्टी नुकतीच मुंबईत आयोजित करण्यात आली होती. या चित्रपटाच्या सक्सेस पार्टीच्यावेळी निर्मात्यांना सिक्वलबाबत प्रश्न विचारण्यात आला. त्यावर या चित्रपटाचे निर्माते विजय सिंग म्हणाले, हा आम्ही जॉली एलएलबी 3 नक्कीच बनवणार आहोत. या चित्रपटाच्या तिसऱ्या भागात अक्षय असणार की नाही याबद्दल काहीही घोषणा करण्यात आलेली नाही. पण या चित्रपटात मी असो अथवा नसो पण या चित्रपटाचा सिक्वल येणार हे ऐकल्यावरच मला प्रचंड आनंद होत असल्याचे अक्षय कुमारने सांगितले. दिग्दर्शक सुभाष कपूरच्यामते अक्षय कुमारमुळे हा चित्रपट एका वेगळ्या उंचीवर पोहोचला आहे. पण हा चित्रपट केवळ माझ्यामुळे नव्हे तर सैरभ शुक्ला, अन्नू कपूर, सय्यानी गुप्ता, हुमा कुरेशी या सगळ्यांमुळेच हिट झाला असल्याचे अक्षय सांगतो.