Rajkumar Hirani Dunki: '...तर चित्रपटाचे दिग्दर्शन करणे सोडून द्या', KRKचे राजकुमार हिरानी यांना चॅलेंज

Rajkumar Hirani SRK Dunki: बॉलिवूडचे प्रसिद्ध चित्रपट दिग्दर्शक राजकुमार हिरानी त्यांच्या अपकमिंग 'डंकी' चित्रपटामुळे चर्चेत आहेत.

Kamal Rashid Khan on Rajkumar Hirani: बॉलिवूडचे प्रसिद्ध चित्रपट दिग्दर्शक राजकुमार हिरानी (Rajkumar Hirani) आणि सुपरस्टार शाहरुख खान (Shahrukh Khan) त्यांच्या आगामी 'डंकी' (Dunki) चित्रपटाच्या माध्यमातून चाहत्यांचे मनोरंजन करण्यास सज्ज झाले आहेत. किंग खान पहिल्यांदाच राजकुमार हिराणीसोबत चित्रपटात काम करणार आहे. दरम्यान, हिंदी चित्रपट अभिनेता आणि समीक्षक कमाल राशिद खान याने डंकी चित्रपटावरुन राजकुमार हिरानी यांना मोठे आव्हान दिले आहे.

केआरकेचे हिरानींना आव्हान
केआरकेने त्याच्या अधिकृत ट्विटर हँडलवर एक ट्विट केले आहे. या ट्विटमध्ये कमाल रशीद खानने लिहिले की, "सर राजकुमार हिरानी, तुम्ही बॉलिवूडचे नंबर वन डायरेक्टर आहात. पण, तरीही मी तुम्हाला आव्हान देतो की, जर तुमचा डंकी चित्रपट सुपरहिट झाला, तर मी चित्रपटांचे समीक्षण करणे बंद करेन. पण, जर तुमचा चित्रपट फ्लॉप झाला, तर तुम्ही चित्रपटांचे दिग्दर्शन बंद केले पाहिजे. ''

Sir @RajkumarHirani you are No.1 Director of Bollywood but I still want to challenge you. If your film #Dhunki will become a hit, then I will stop reviewing films. And if Film will become flop then you will stop directing films. Let me know, if you do accept my challenge sir?

— KRK (@kamaalrkhan) July 13, 2022

यावर नेटकऱ्यांचा प्रतिक्रिया
दिग्दर्शक राजकुमार हिरानी यांच्यावर कमाल खानच्या या टोमण्यानंतर लोकांनी सोशल मीडियावर प्रतिक्रिया देण्यास सुरुवात केली आहे. एका ट्विटर युजरने ट्विट केले की, “केआरके तू राजकुमार हिरानींना दिग्दर्शनाबद्दल ज्ञान देऊ नकोस. तू फक्त ट्विटरवरच ज्ञान देऊ शकतोस.” दुसऱ्या युजरने लिहिले की, “जर डंकी सुपरहिट झाला, तर तू हे ट्विट डिलीट करशील आणि दुसरं काही बोलशील.”